सियासत

भाजपा- कांग्रेस के बीच म जुबानी जंग

दूनों पार्टी अपन- अपन लक्ष्य ल पूरा करे बर जुट गेहे

रायपुर । छत्तीसगढ़ के राजधानी म भारतीय जनता पार्टी के राष्ट्रीय अध्यक्ष अमित शाह के प्रदेश बीजेपी ल देय गे मिशन 65 के टारगेट ल पूरा करे म मुख्यमंत्री ले लेके पार्टी के नेता अपन पूरा ताकत लगावत हे। ओती कांग्रेस ह ये बार अपन टारगेट फिक्स कर दे हे। मालूम हो कि छत्तीसगढ़ म ये साल के आखिरी म विधानसभा चुनाव होवय्या हे।
मामला म बीजेपी प्रदेश उपाध्यक्ष सुनील सोनी के कहिना हे कि साल के आखिर म होवय्या विधानसभा चुनाव ल लेके बीजेपी अपन तैयारी म जुट गेहे अउ अमित शाह के दिय गे मिशन 65 ल फतह करे बर अपन पूरा ताकत लगावत हे। अइसे म ये बखत छत्तीसगढ़ ल फतह करे के जुम्मेदारी खुद बीजेपी के राष्ट्रीय अध्यक्ष अमित शाह ह उठाए हे।
एती पीसीसी प्रवक्ता आर।पी सिंह के कहिना हे कि उमन बीजेपी के राष्ट्रीय अध्यक्ष अमित शाह के छत्तीसगढ़ म देय गे टारगेट ले इत्तेफाक नइ रखन। कांग्रेस मानथे कि जब अमित शाह अपन राज्य म टारगेट पूरा नइ कर सकिस, तो छत्तीसगढ़ म का करही। वइसे पीसीसी प्रवक्ता आरपी सिंह ह अपन मिशन 70 प्लस ल पूरा करे के दावा जरूर करत हे। बहरहाल, सियासत े म शह अउ मात के खेल म बाजी कोन मारही ये तो जनता ही तय करही। लेकिन, राजनीतिक पार्टी मन चुनाव ले पहिली अपन चाल चले बर सुरू कर देहे?

Related Articles

Leave a Reply

Your email address will not be published. Required fields are marked *

Close