छॉलीवुड समाचारताजा समाचार

‘छैला गिरधारी द कहल’ के सूटिंग 15 अप्रैल के बाद सुरू

संस्कृति विभाग के सभागार म होइस मुहुरत

रायपुर। छत्तीसगढ़ के पृष्ठभूमि म बनय्या छॉलीवुड फिल्म ‘छैला गिरधारी द कहल’ के मुहुरत गुरूवार के संस्कृति विभाग के सभागार म करे गिस। फिल्म के निरमान प्रखर फिल्म प्रोडक्शन के बैनर तले करे जात हे। ये मउका म फिल्म के डायरेक्टर मनमोहन सिंह ठाकुर, निरमाता अजय वर्मा , अपेक्स बैंक के चेयरमैन अशोक बजाज, छॉलीवुड फिल्म डायरेक्टर मोहन सुन्दरानी उपस्थित रहिन। फिल्म के डायरेक्टर मनमोहन सिंह ठाकुर फिल्म के अभिनेता घलो हो। प्रखर फिल्म प्रोडक्शन के पीआरओ संजय वर्मा ह चरचा म बताइन कि ये फिल्म ल बनाए के पहिली एक सरवे करे गिस, जेमा ये पता चलाइस कि दरशक मन कइसन फिल्म देखना चाहत हे। जेखर आधार म फिल्म बनाए जात हे। फिल्म म चार गाना हे। फिल्म के अभिनेत्री मन के जल्द ही कास्टिंग सुरु होही। एती छॉलीवुड फिल्म छैला गिरधारी द कहल के शूटिंग 15 अप्रैल के बाद सुरू करे जाही।

Related Articles

Leave a Reply

Your email address will not be published. Required fields are marked *

Close