ताजा समाचार

पांच वाहन ले बेशकीमती लकड़ी जब्त …….संग- संग पढ़व दूसर खबर

वन विभाग के उडऩदस्ता के सर्चिंग आपरेशन

बिलासपुर। जिला के वन विभाग के उडऩ दस्ता ह पांच वाहन ले से बेशकीमती लकडिय़ां जब्त करिस हे । एखर ले ये पता चलत हे कि बिलासपुर के सरवानी म अवैध कटाई जोरों म हे। टीम ह पांचों वाहन ल लकड़ी समेत जब्त करत हुए आरोपी मन के खिलाफ कार्रवाई करत हे । बिल्हा विकासखंड के ग्राम सरवानी म सोमवार के वन विभाग के उडऩदस्ता के सर्चिंग आपरेशन चलाया हे। टीम के सदस्य मन ह संभावना व्यक्त करत हे कि ये अभियान 8 दिन तक चल सकत हे।

बयान दरज कराए बर कोरट पहुंचिन अजय चंद्राकर
रायपुर म मंजीत कौर बल मामला म पंचायत मंत्री अजय चंद्राकर सोमवार के अपन बयान दरज कराए बर कोरट पहुंचिस। बता दन कि 2 अप्रैल के उमन ह मंजीत कौर बल के खिलाफ कोरट म मानहानि के केस करे हे। मंजीत कौर बल ह अजय चंद्राकर के खिलाफ गलत व्यवहार के आरोप लगाए रिहिस हे। उहे उमन मंत्री चंद्राकर व ओखर परिवार वाले के खिलाफ आय ले अधिक संपत्ति के गंभीर आरोप लगाए रहिस हे। अजय चंद्राकर ह मंजीत कौर बल के ये आरोप के खंडन करत हुए उंखर के खिलाफ मानहानि के मुकदमा करिस हे।

‘खुशी’ लेके लउटत रहिन हे तभे हादसा ल दीस उदासी, 26 घायल
कांकेर म बारात लेके लउटत पिकअप वैन अचानक अनियंत्रित होके पलट गे। हादसा म 29 लोगन घायल होगे। सबो घायल मन ल कोरर पुलिस ह संजीवनी के मदद ले जिला अस्पताल पहुंचाये गिस । डॉक्टर के मुताबिक सबो के हालत खतरा ले बाहर हे। वैन म 35 लोगन सवार रहिन हे। बताए जात हे कि तुहेगहन ले पिकअप बारात लेके हरवेल आवत रहिस हे। इही दउरान रानवाही के पास अनियंत्रित होके पलटगे। 7 से 8 लोगन के हाथ अउ पैर फ्रेक्चर होगे, जबकि 5 लोगन के सिर म गंभीर चोट लगे हे। घायल मन म महिला मन के संख्या जादा हे।

पिकअप म स्पेशल चेम्बर बनाके 187 किलो गांजा के तस्करी
कोंडागांव जिला म पिकअप वाहन के ट्राली म स्पेशल चेम्बर बनाके गांजा तस्करी करइया ल केशकाल पुलिस ह धरदबोचिस हे । गांजा तस्करी म लिप्त आरोपी ल करीब 187 किलो गांजा के 56 पैकेट जब्त करे गिस येला पिकअप ट्राली म स्पेशल चेम्बर बनाकर छुपाए गे रिहिस हे। बरामद गांजा के अनुमानित कीमत13 लाख रूपिया बताए जात हे । पूछताछ के दउरान आरोपी ह अपन नाम गौरव मांझी चपकाकारी पोस्ट पंचवटी थाना जिला मलकानगिरी उड़ीसा के होना बताइस । आरोपी ह बताइस कि गांजा के अवैध बिक्री करे बर मलकानगिरी उड़ीसा ले रायपुर ले जात रिहिस हो। केशकाल थाना पुलिस ह आरोपी के खिलाफ अपराध दरज करे हे।

Related Articles

Leave a Reply

Your email address will not be published. Required fields are marked *

Close