विशेष

हमन नई रहन छत्तीसगढ़ म, हमर गांव ल ओडिशा में शामिल करवा दो साहब !

अक्षय कुमार के फिलिम जोकर के नहीं देखव असली जिंदगी के जोकर, न ईंहा के न उंहा के

जय जोहार (धमतरी) छत्तीसगढ़ के एक गांव जिहां न तो सरकारी योजना के लाभ मिल पावत हे अऊ न ही उंहा के रहवईया मनखे मन छत्तीसगढ़ ले संपर्क बना पावत हे। वो गांव जेखर तकदीर 2012 म आए अक्षय कुमार के फिलिम से अलग नई हे। हम बात करत हन हमर राज जिहां सरकार कई दावा करथे कि अंतिम छोर म बसे मनखे तक विकास के गंगा बहाना हे, लेकिन जमीनी हकीकत का हरे ऐ गांव ल देखे ले समझ आ जाहि। धमतरी जिला के नक्सल प्रभावित इलाका अऊ ओडिशा बॉर्डर ले सटे मैनपुर गांव जिहां आवागमन के कोई साधन नई हे। ऐखरे सति विकास ह इंहा ले पल्लग भागत जावत हे। गांव म पुलिया नई हे जेखर ले बरसात के दिन म तो इहां के हाल कोनों नर्क ले कम नई रहय। गांव के मनखे मन अब अईसने में अपन नसीब ल कोसे बिना कईसे रहि ही। केहे बर तो ऐ गांव ह छत्तीसगढ के धमतरी जिला म आथे लेकिन गांव ल न तो जिला प्रशासन से न ही राज्य सरकार के कोनों योजना के लाभ मिल पाथे। ऐ गांव के सब्बो जरूरत ल ओडिशा राज्य ह पूरा करथे। काबर कि ओडिशा के सरहद ले ऐ गांव ह एकदम सटे हुए हाबे। इही वजह हे कि गांव के लोगन मन अब ओडिशा म अपन गांव म शामिल कराए के मांग करत हे।

Related Articles

Leave a Reply

Your email address will not be published. Required fields are marked *

Close