उभरता सिताराछॉलीवुड समाचार

मिस ब्यूटीफुल ऑफ सेंट्रल इंडिया तान्या ह बन गे हे छॉलीवुड के धड़कन

मॉडलिंग ले अब बडे़ पर्दा म मिलथे सराहना, बेहतर मुकाम बनाए बर तैयार

जयजोहार. छत्तीसगढ़ी सिनेमा म तान्या तिवारी वो उभरत अदाकारा हरे जेन ह काफी कम बेरा म अपन बेहतर जगह ल हासिल करे हे। मॉडलिंग ले बड़े पर्दा म एंट्री करईया तान्या ह पहिली 2015 के मिस ब्यूटीफुल ऑफ सेंट्रल इंडिया घलो रह चुके हे। 2016 म “बही तोर सुरता म“ फिलिम ले छॉलीवुड म कदम ओहा रखिस अऊ आज ओखर किरदार ल लोगन मन से खूब सराहना मिलत हे।

तान्या तिवारी ह मूलत: भोपाल के रहवईया ऐ। भोपाल के कॅरियर कॉलेज ले माइक्रो बॉयोलॉजी म डिग्री ले के बाद होटल मैनेजमेंट म पढ़ाई घलो कर चुके हे। तान्या बताथे कि बचपन ले ही ओला फिलिम ल देखके लगाव हो गे रिहिस। इही वजह हे कि ओहा अपन कैरियर के रूप म फिलिम ल चुने में ज्यादा समय नई लागिस। अपन अभिनय म परिपक्वता लाए बर तान्या ह भोपाल के थिएटर ले घलो जुड़े रिहिस। एखर संगे-संग साड़ी अऊ ज्वैलरी बर मॉडलिंग घलो करत रिहिस। तान्या के पंख ल परवाज अऊ तब ज्यादा मिलिस जब ओहा मिस ब्यूटीफुल ऑफ सेंट्रल इंडिया-2015 चुने गिस। एखर बाद ले ओला फिलिम के ऑफर अवई शुरू हो गे।

तान्या तिवारी
“बही तोर सुरता म“ फिलिम ले छॉलीवुड म रखे हे कदम

तान्या के पहिली भोजपुरी फिलिम “इंसाफ बनल कोहराम“ हरे, जेखर निर्देशन दिल्ली के संजय दयाली ह करे हे। हालांकि ओ फिलिम ह अभी तक रिलीज नई हो पाए हे। 2017 के आखिरी म फिलिम के रिलीज होए के उम्मीद हे। तान्या ह अशरफ़ अली के हिन्दी एल्बम “न जाने तू“ म घलो अभिनय करे हे।

तान्या तिवारी
तान्या के पहिली भोजपुरी फिलिम “इंसाफ बनाम कोहराम“ हरे

भोजपुरी सिनेमा म एंट्री के बाद तान्या के रद्दा ह छॉलीवुड बर आसान हो गे। निर्देशक धमेंद्र चौबे के “बही तोर सुरता म“ ले ओखर छत्तीगसढ़ी सिनेमा म एंट्री होईस। ऐ फिलिम ह 2016 म रिलीज होईस। ऐ फिलिम म तान्या अपन अभिनय अऊ अदा के जलवा बगराए में कामयाब रिहिस। इही मेर ले ओखर रास्ता छत्तीसगढ़ी सिनेमा म आसान हो गे। ऐखर बार निर्देशक प्रिंस विकास वर्धन के “तोर मोर यारी“ म तान्या ह मुख्य भूमिका म नजर आहि जेन ह जून जल्द ही रिलीज होवईया हे। एखर संगे-संग कोयला, नाग अऊ अर्जून, आशिक मया वाले म घलो तान्या ह मुख्य भूमिका म नज़र आही। तान्या के कहना हे कि लोगन मन ओला एट्‌यीट्यूड वाली लड़की समझथे लेकिन ओहा विनम्र स्वभाव अऊ डाउन टू अर्थ हे।

 

तान्या तिवारी, राईजिंग स्टार
तान्या तिवारी, राईजिंग स्टार

Related Articles

Leave a Reply

Your email address will not be published. Required fields are marked *

Close