ताजा समाचार

कोरिया: मनेन्द्रगढ के बेटी मिस इण्डिया (खादी) के बनही शान

मिस इण्डिया खादी म बतौर फैशन डिजाईनर होईस संगीता के चयन

कोरिया से पद्मनी मरावी

कोरिया. मनेन्द्रगढ़ के बेटी संगीता कोरी के चयन मिस इंडिया खादी प्रतियोगिता बर हो हे। पिछले दिन रायपुर म होए रिहिस मिस इण्डिया खादी प्रतियोगिता के ग्राण्ड फिनाले म जिला के मनेन्द्रगढ के रहवईया कुमारी संगीता कोरी ह टाॅप म पहुंचके अपन जगह ल सुनिश्चित करे रिहिन। एखर संगे संग ओ ह अपन क्षेत्र के नाम ल घलो रोशन करिस।

ग्राण्ड फिनाले दिल्ली के ताज डेप्लोमेटिक म होही। जेमा संगीता बतौर फैशन डिजाईनर शिरकत करही। ऐ कार्यक्रम ल खादी बोर्ड द्वारा चलाए जात मिशन के अंतर्गत आयोजित करे जात हे। जेन ह खादी के प्रति लोगन मन म जागरूक्ता के संगे संग खादी के महत्व ल बताए के दिशा म काम करत हे। देश म खादी पहनावा बर जागरूक्ता लाए के साथ भारतीय सभ्यता म खादी परिधान ल बढ़ावा दे के उद्देश्य ले कार्यक्रम के आयोजन प्रधानमंत्री नरेंद्र मोदी द्वारा करे गे रिहिन। कार्यक्रम म फैशन जगत के कई हस्ती हम शामिल रिहिन।

Related Articles

Leave a Reply

Your email address will not be published. Required fields are marked *

Close