रायपुर । छत्तीसगढ़ी संगीत ल अपन निराला अंदाज म प्रस्तुति करे बर फेमस पद्मश्री ले सम्मानित अनुज शर्मा के छत्तीसगढ़ी फोक बैंड आरूग दि अनटच्ड अपन प्रस्तुति फिजी म आयोजित भारत महोत्सव म दे बर जात हे।
फिजी म भारत सरकार के भारतीय दूतावास ह अक्टूबर 2017 ले मार्च 2018 तक आयोजित नमस्ते पैसेफिका (फेस्टिवल आफ इंडिया ) म भारत के विभिन्न सांस्कृतिक दल मन ल प्रस्तुति दे बर बुलाए हे। जेमा पद्मश्री से सम्मानित अनुज शर्मा के छत्तीसगढ़ी फोक बैंड आरूग दि अनटच्ड भी शामिल हवय।
ए आयोजन मभारत ले भाग लेवइया 6 दल म छत्तीसगढ़ ले एक मात्र ग्रुप के रूप म आरूग बैंड ल बुलाए हवय। दल प्रमुख अनुज शर्मा संग 11 सदस्य मन के आरूग बैंड म विवेक टांक, डेविड निराला, सेवक राम यादव, रामचंद्र सरपे, सौरभ महतो, राम कुमार साहू, दीपमाला शर्मा, सुमन साहू, स्मिता शर्मा, किरण साहू, ज्ञानिता द्विवेदी सामिल हे। बैंड के कोरियोग्राफर निशान्त उपाध्याय अउ ड्रेस डिज़ाईनर विभा आसुतोष हे।
आरूग बैंड के कार्यक्रम 16 मार्च के फिजी के राजधानी सुवा म, 17 मार्च के अन्तर्राष्ट्रीय हवाई अड्डा वाला शहर नान्डी अउ 18 मार्च के शहर बा म हवय। जिहां फेमस शिव मंदिर हवय। देश के प्रतिष्ठित मंच मन म प्रस्तुति दे के बाद बैंड पहली बार विदेश म छत्तीसगढ़ के संगीत परफार्म करे बर जात हे।
अपन प्रस्तुति म छत्तीसगढ़ के लोकप्रिय पारम्परिक गायन शैली करमा, ददरिया, सुवा, कायाखंडी के संग ऐसे गीत मन के संकलन हवय जे मन ल नइ सुने जात हे। ए बैंड के सबले बड़का खासियत ए हे कि एमा केवल पारम्परिक वाद्य यंत्र मन के उपयोग करे जाथे। जेमा दफड़ा, गुदुम, मांदर, ढोल, टिमकी, झांझ, मंजीरा, खंजरी, मोहरी, बांसुरी, हारमोनियम, बेंजो, तबला, ढोलक, घुंघरू जइसन मन के प्रयोग करे जात हे। अत्याधुनिक वाद्य यंत्र मन के ए दौर म केवल लोक वाद्य मन के प्रयोग आरूग बैंड ल भीड़ ले अलग बनाथे।
अनुज के छत्तीसगढ़ी फोक आरूग बैंड ह फिजी म दिही अपन प्रस्तुति
रायपुर । छत्तीसगढ़ी संगीत ल अपन निराला अंदाज म प्रस्तुति करे बर फेमस पद्मश्री ले सम्मानित अनुज शर्मा के छत्तीसगढ़ी फोक बैंड आरूग दि अनटच्ड अपन प्रस्तुति फिजी म आयोजित भारत महोत्सव म दे बर जात हे। फिजी म भारत सरकार के भारतीय दूतावास ह अक्टूबर 2017 ले मार्च 2018 तक आयोजित नमस्ते पैसेफिका (फेस्टिवल […]
February 21, 2018
2 Mins Read
No Comment! Be the first one.