प्रेस कॉंफ्रेंस के राजनीति ले कुछु हासिल नइ होय : डॉ. रमन

रायपुर। प्रदेश म तेंदूपत्ता ल लेके राजनीति गरमात जात हे। ये मामला म मुख्यमंत्री डॉ. रमन सिंह ह कांग्रेस के उपर हमला बोलिस हे। सीएम डॉ. रमन ह कहिन कि कांग्रेस सिरफ प्रेस कांफ़्रेंस करके राजनीति करत हवय। ये तरह के राजनीति ले कुछु नई हासिल होवय।
सीएम डॉ. सिंह ह कहिन कि तेन्दूपत्ता के टेंडर होथे। वनमंत्री अउ अधिकारी मन के कहिना हे येमा ओपन टेंडर करे जाथे। देश म सबले अच्छा कीमत म तेंदूपत्ता गेहे। वन मंत्री ह स्पष्ट कहिस कि हमार तेंदूपत्ता सबले बढ़िया होथे। अउ बढ़िया कीमत म गेहे। एखर बाद सवाल खड़े करना समझ ले परे हवय। कांग्रेस के समय म दंतेवाड़ा ल नक्सली मन बर छोड़ दे जात रहिस हे, लेकिन हमन ह सब्बों जिला म टेण्डर बुलाथन। बता दन कि प्रदेश कांग्रेस कमेटी के अध्यक्ष भूपेश बघेल ह बीते 15 मार्च के प्रेस कॉंफ्रेंस लेके सरकार उपर गंभीर आरोप लगाए रहिस हे। पीसीसी अध्यक्ष भूपेश ह तेंदूपत्ता के टेंडर म तीन सौ करोड़ रुपए के भ्रष्टाचार के आरोप लगाइस हे।