अकलतरा म महतारी एक्सप्रेस म मरीज मन के फर्जी केस

जांजगीर। जिला के अकलतरा म 102 महतारी एक्सप्रेस म मरीज मन के फर्जी केस बनाए के मामला आगु आइस हे। आरोप हे कि एक ही दिन 48 केस बनाए गिस, जेमा ले 6-7 केस ही सही पाए गिस। बाकी, केस ल कागज म ही बना दे गिस। ये दउरान 102 एम्बुलेंस के GPS सिस्टम बन्द रहिस अऊ कई महीना ले गाड़ी म नम्बर प्लेट घलो नइ लगे हे। बताए जात हे कि ये फ़र्जी केस कई महीना ले चलत रहिस, जेरक पाछु GVK ठेका कम्पनी के अधिकारी अऊ कर्मचारी मन के मिलीभगत के बात आगु आत हे। फिलहाल, फर्जी केस के खुलासा के बाद कम्पनी के अधिकारी मन जांच सुरु कर दिन हे।