ताजा समाचार

कलाकार मन के दशा ल लेके राज्य सरकार उपर जमके बरसीस अनुज शर्मा ह

कहिन कि लोक कलाकार भूखन मरत हे। सरकार कोती ले कोनो ध्यान नइ दे जात हे

दुर्ग। छॉलीवुड यानि छत्तीसगढ़ फिल्म इंडस्ट्री के अभिनेता अनुज शर्मा कलाकार मन के दशा ल लेके राज्य सरकार उपर जमके बरसिस। शर्मा कहनि कि रमन सरकार कलाकार के सम्मान नइ करत हे। उमन कहिन कि लोक कलाकार भूखन मरत हे। जेखर बर सरकार कोती ले कोनो ध्यान नइ दे जात हे।
छत्तीसगढ़ी फिल्म अभिनेता पद्मश्री अनुज शर्मा एक कार्यक्रम म हिस्सा ले बर दुर्ग आए रहिन हे। ये दउरान जब ओखर ले प्रसिद्ध रंगकर्मी दीपक तिवारी के दशा के बारे म सवाल करे गिस तो उमन राज्य सरकार ल कटघेरा म खड़ा करत हुए कहिन कि दीपक के प्रति सूबे के सरकार के रवैया निराशाजनक हे।
कलाकार मन बर बनय बेहतर योजना
अनुज शर्मा कहिन कि सरकार ल कलाकर मन बर बेहतर योजना बनाना चाहि। जेमा कलाकार आर्थिक संकट ले उभर सकय। उमन सरकार के तरफ ले फिल्म आयोग नइ बनाय बर घलो निशाना साधिस। उमन कहिन कि परदेश बने के 18 साल बाद भी आर्टिस्ट्स ल सम्मान न मिलत हे, येखर सेती दुख होवत हे।
कलाकार मन के राजनीति म आए के मुद्दा म अनुज के कहिना हे कि कलाकार मन ल कुछु पार्टी मन टिकट देवत हे, जे ह बढ़िया हे। उहें खुद के चुनाव लड़े म अनुज ह कहिन कि, ये आवइया बखत बताइही कि चुनाव लड़ना हे कि नइए।

Related Articles

Leave a Reply

Your email address will not be published. Required fields are marked *

Close