सियासत

अब छत्तीसगढ़ म मेंबर बनाम वॉलंटियर के जंग

भाजपा अउ कांग्रेस दूनों के नजर बूथ म

रायपुर। छत्तीसगढ़ म जइसे-जइसे चुनाइ के बेरा करीब आवत जात हे वइसे-वइसे राजनीतिक दल मन के चुनावी हलचल तेज होगे हे। ये चुनाइ म अब छत्तीसगढ़ मेंबर्स बनाम वॉलंटियर क जंग देखे बर मिल सकत हे।
छत्तीसगढ़ म जीत के हैट्रिक लगा चुके बीजेपी चउका लगाय बर हर संभव तैयारी म जुटे हुए हे। इहीं तैयारी मन म एक हे वॉलंटियर्स बनाय के। दरअसल छत्तीसगढ़ बीजेपी प्रदेस भर म अपन 30 लाख कारयकरता होय के दावा करथे। येकर बाद युवा मोरचा अउ आईटी सेल के जरिए सबो 90 विधानसभा म वॉलंटियर्स बनाय जात हे जे बीजेपी के गैर सदस्य होही मगर कारय बीजेपी हित म करही। अइसे म कोनो वॉलंटियर ल अगर कोनो नेता महत्व देही त जाहिर हे के बरस भर ले काम करइया कारयकरता मन म हतासा होही।
उहें चुनावी बठर म कांग्रेस ल अपन भूले-बिसरे नेता मन के याद सताय लगिस हे जेला याद करे बर खुद आला नेता मन ह जुम्मेदारी संभाल लीस हे। तीस लाख कारयकरता के फउज के बाद घलो अगर बीजेपी चुनाइ म वालंटियर्स के सहारा लेही त कांग्रेस ह बूथ मन वॉलंटियर्स नियुक्त करही। येकर बर हर बूथ म 10-15 कांग्रेसी मन ल नियुक्त करे जात हे। कांग्रेस जीत बर कटाक्छ के सहारा लेवत हे। लेकिन ज्यादातर कटाक्छ गरिमारहित होथे जेकर ले पढ़े लिखे मतदाता मन ले पार्टी ल नुकसान होवत हे। अगर चुनाइ साल म कांग्रेस कटाक्छ करही त फेर बीजेपी पलटवार कइसे नइ करही। ये दिन मन ये ही नोकझोंक के सिलसिला चलत हे। राजनीतिक दल मन के अइसे तियारी मन ल देखके एक बात त साफ पता चलत हे के सत्ता तक पहुंचे बर बस वो ह अपन-अपन रननीति बनाय म जुटे हे। जबके वोट के आशीरवाद त जनता ल देना हे अउ ये चुनाइ घमासान म जनता के बात त फिलहाल कोनो दल नइ करत हे। अब अइसे म का कर रननीति सफल होही ये त वक्त आय म ही पता चलही।

Related Articles

Leave a Reply

Your email address will not be published. Required fields are marked *

Close