ताजा समाचार

गाय मन बचाइस घर के चिराग ल…कइसे…पढ़व खबर

मोहल्ला वाला मन रात म बदमाश के पिटाई करिस। येखर बाद पुलिस ल दे दिस

रायपुर/भिलाई । भिलाई म एक खटाल संचालक बर उंखर गाय मन घर के चिराग बचाए के घलो काम आइस। आधी रात म एक बदमाश ह लइका चोरी के नीयत ले घर म घुसिस। लइका ल लेके वो ह बाहिर बरामदा के पास आइस, लेकिन ओखर भागे के पहिली उहां बंधे गाय मन रंभाने (चिल्लाए) लगीस।
रात म गाय मन के चिल्लाए के आवाज सुनके घर के लोगन मन जागिस अउ उमन लइका चोर ल दीवार फांदत पकड़ लिस। एखर बाद ओखर कसके धुनाई करे गिस अउ ओला पुलिस के तीर ले गिस। पुलिस ह बदमाश ले पूछताछ सुरू करिस तो पता चलिस कि लइका चोर के मानसिक हालत ठीक नइए। जेखर बाद पुलिस ह आरोपी ल छोड़ दिस।
भिलाई के जुनवानी के रहइया सुनार यादव अपन घर म खटाल चलात हे। सुनार के बेटी कविता यादव अपन एक बच्छर के लइका तुलसी यादव के संग माइके म रहत हे। कविता ह बीती रात अपन छोटी बहन अनिता यादव अउ अपन बेटा तुलसी के संग घर म सोय रिहिस हे। रात के दू बजे एक बदमाश उंखर घर म छज्जा के रद्दा ले घुसिस। अउ संग म सोय लइका ल उठाके बाहर निकल आइस ।
बरामदा म आइस तो उहां बंधे गाय मन ओला देखके चिल्लाए लगीस। आधा रात म गाय मन के चिल्लाए के आवाज ल सुनके घर के सबो लोगन जागे । उमन शोर मचाना सुरू कर दिस । इत्तेफाक ले कविता के ददा सुनार अउ भाइ नीलकंठ यादव सांड ल भगाये बर बाहिर गे रहिस हे। उमन घलो आवाज सुनके वापस घर कोती दउड़ीस। उही बखत बदमाश लइका ल लेके दीवार फांद चुके रहिस हे।
सुनार अउ ओखर बेटा ह बदमाश ल बाहर लइका के संग पकड़िस। शोर मचाए ले आसपास के लोगन घलो रात म बाहिर निकलिस। लइका बच्चा चोर के हल्ला होय ले मोहल्ला वाला मन रात म बदमाश के पिटाई करिस। येखर बाद पुलिस ल दे दिस।

Related Articles

Leave a Reply

Your email address will not be published. Required fields are marked *

Close