ताजा समाचार

येखर सेती सहायक कृषि अभियंता ह एसीबी टीम के बिछाए जाल म फंस गे

पांडे ह 10 हजार रुपिया के रिस्वत लेत रंगे हाथ पकड़ाइस

कवर्धा। एंडी करप्शन ब्यूरो के टीम ह एक अधिकारी ल दस हजार रुपिया के रिस्वत लेत गिरफ्तार करिस हे। आरोपी पइसा निकाले के एवज में रिस्वत के मांग करिस हे।
एसीबी के टीम ह रिस्वत के मामला बड़े कार्रवाई करिस हे। एसीबी के टीम ह कवर्धा म कृषि अभियांत्रिकी बेभाग के सहायक कृषि अभियंता एके पांडेय ल 10 हजार रुपिया के रिस्वत लेत रंगे हाथ गिरफ्तार करिस हे। ये कार्रवाई ठेकेदार के शिकायत के आधार म करे गेहे। मिले जानकारी म आरोपी पांडेय ह ठेकेदार ले चैकडैम के 2 लाख के रासि ल भुगतान करे बर ठेकेदार बलराम सिंह ले 35 हजार रुपिया के रिस्वत मांगे रिहस हे। पहिली ले ठेकेदार ह 25000 रुपिया पांडेय ल देदे रिहिस हे। बकाया दस हजार बर ठेकेदार ल तकाजा करत रहिस हे, जेखर ले खिसिया के ठेकेदार ह एसीबी बेभाग म शिकायत कर दिस। चव एबीसी के टीम ह जाल बिछाके सहायक कृषि अभियंता एके पांडे ल 10 हजार रुपिया के रिस्वत लेवत रंगे हाथ पकड़ीस हे।

Related Articles

Leave a Reply

Your email address will not be published. Required fields are marked *

Close