ताजा समाचार

टिकट बर मां -बेटे के बीच म राजनीतिक लड़ाई

मां के कहिना हे - छबींद्र ल मोर अउ परिवार के कोनो समर्थन नइए

रायपुर। बस्तर के दंतेवाड़ा विधानसभा क्षेत्र म कांग्रेस के टिकट बर माँ अउ बेटे के बीच म उठापटक चलत हे। मां ह एक बार फेर टिकट के दावेदारी कर हे,उहें उंखर बेटा स्वयं दावेदारी पेश कर के मां ल चुनवती देवत हे। मां ल परिवार के समर्थन मिलस हे। अब देखना हे के पार्टी अउ कार्यकर्ता के समर्थन का ला मिलही।
दंतेवाड़ा विधानसभा क्षेत्र ले बस्तर टाइगर के स्व. महेंद्र कर्मा लम्बा समय तक सीपीआई अउ कांग्रेस के विधायक रहे हे। उंखर मृत्यु के बाद उमन के पत्नी देवती कर्मा ल कांग्रेस ह टिकट दिस हे अउ वो ह विधायक बनिस। अब देवती कर्मा ल इहां टिकट ले बर कड़ा संर्घष करना पड़त हे। काबर के ये बार देवती कर्मा के छोटे बेटा छबींद्र कर्मा ह दंतेवाड़ा विधानसभा ले अपन दावेदारी के खुलेआम ऐलान कर दिस।
छबींद्र कर्मा जिला पंचायत अध्यक्ष रह चुके हे। अउ क्षेत्र म उँखर पकड़ घलो हे। छबींद्र के कहिना हे कि उंखर दावेदारी ल परिवार अउ कार्यकर्ता मन के पूरा समर्थन हे। ये वजह ले वो ह कांग्रेस ले विधानसभा चुनाव के टिकट मांगत हे । उमन ह इहां तक कहिना हे के उमन मउजूदा विधायक अउ अपन मां देवती कर्मा ल घलो पूरा समर्थन हे। येती बड़ भाई दीपक कर्मा छबींद्र ले इतेफाक नइ रखत हे उमन के कहिना हे के उंखर पिता ह बड़ मेहनत ले जमीनी तइयार करे हे । आज घलो उंखर छवि लोगन के दिल म हे। ये बनाय रखे बर छबींद्र ल अभु अउ मेहनत कर के ज़रूरत हे। उमन ह स्पष्ट रूप म कहिन के उमन के पूरा परिवार ह मोर मां श्रीमती देवती कर्मा के नेतृत्व स्वीकार हे अउ हमन उंखर नेतृत्व म अगला चुनाव घलो लड़ही। दीपक ह ये घलो कहिन के छबींद्र ल परिवार के कोनो समर्थन नइए। गउरतलब हे के दीपक कर्मा लगातार तीसरी बार ले दंतेवाड़ा नगरपालिका के अध्यक्ष हे।
उंहे विधायक देवती कर्मा घलो दीपक के बात के समर्थन करत हुए कहिन के छबींद्र कर्मा ल परिवार के कोनो समर्थन नइए। जब परिवार ले माँ विधायक हे त परिवार के कोनो सदस्य लअइसे नइ सोचना चाही। उमन ये घलो कहिन के का ला टिकट देना हे, ये बात के फइसला पार्टी अउ कार्यकर्ता करही।

Related Articles

Leave a Reply

Your email address will not be published. Required fields are marked *

Close