ताजा समाचार

छत्तीसगढ़ म शराबबंदी के मामला सदन म गूंजिस… विपक्ष के वॉक आऊट

मंत्री अमर अग्रवाल के जवाब ले नाराज कांग्रेसी विधायक मन करिन वॉक आऊट

जय जोहार. राज्य म पूर्ण शराबबंदी के मांग ल लेके विपक्षी दल कांग्रेस ह सदन ले वॉक आऊट कर दिस। बता देन कि छत्तीसगढ़ विधानसभा म एक बार फेर शराबबंदी के शोर रिहिन। प्रश्नकाल दउरान भूपेश बघेल ह सप्लीमेंट्री सवाल पूछत आबकारी मंत्री अमर अग्रवाल ले पूछिन कि सरकार ह शराबबंदी के बात कहे रिहिन। अईसे म सरकार कब शराबबंदी करावत हे।

एखर जवाब देत मंत्री अमर अग्रवाल ह कहिन कि में ह ऐ सदन म कई बार अपन व्यक्तव्य दे डरे हाबों.. कि ऐ मामला ह पूर्ण परीक्षण के विसय हरे। ऐखर परीक्षण के बाद सरकार उचित फैसला लेही। जवाब ले नाराज होके कांग्रेस विधायक मन राज्य म शराबबंदी के मांग करे ल लगिन। थोड़किन देर बाद विपक्षी विधायक मन सदन ले वाकआउट कर दिन।

Related Articles

Leave a Reply

Your email address will not be published. Required fields are marked *

Close