सियासत

रमन ह बताइन कांग्रेस ल सत्ता के लायक नइए …..

कहिन कि अउ 15 बछर तक नइ मिलय गद्दी

152.56 करोड़ के 38 कार्य मन के लोकार्पण अउ 65 करोड़ के 26 नवा कार्य मन के भूमिपूजन करिन मुख्यमंत्री ह
रायपुर। मुख्यमंत्री रमन सिंह ह एक बार फेर कांग्रेस ल सत्ता पाय बर अयोग्य बतात हुए कहिन कि आघू के 15 बछर तक कांग्रेस सत्ता ले दूर रह ही उमन मस्तुरी म आयोजित विकास यात्रा सभा के दउरान ये बात कहिन।
सीएम रमन सिंह ह कहिन कि कांग्रेस विकास ढूंढे के ढोंग करत हवय। विकास ल ढूंढे नइ जाए बल्कि विकास ल आंखी ले देखे जाथे। उमन कहिन कि पिछू के 15 बछक ले कांग्रेस ह छ्त्तीसगढ़ म सत्ता के स्वाद नइ चखे हे। कांग्रेस के जे स्थिति हे वो ह अउ 15 बछर तक सत्ता ले दूर रहही उहे कांग्रेस उपर तंज कसत हुए सीएम ह कहिन कि बोनस ले अउ विरोध करे म कांग्रेस सबले पहिली रइथे। सीएम ह कहिन कि कांग्रेस ह 65 बछर तक का करिस हे पहिली येकर हिसाब देवय । बता दन कि कांग्रेस पिछु कुछु समय ले राज्य म विकास ढूंढों अभियान चलाके सरकार उपर हमला करत हवय।
मुख्यमंत्री डॉ. रमन सिंह ह प्रदेशव्यापी विकास यात्रा के दउरान आज बिलासपुर जिला के मस्तूरी म आयोजित आम सभा ल संबोधित करिन हे। उमन ह ये अवसर म क्षेत्र के विकास बर लगभग 217 करोड़ 61 लाख रूपिया के लागत के 64 कार्य मन केलोकार्पण अउ भूमिपूजन करिन। मुख्यमंत्री आम सभा म 21 हजार ले अधिक हितग्राही मन ल विभिन्न योजना म सामग्री अउ सहायता राशि के चेक, 16 हजार 829 परिवार मन ल आबादी पट्टा, 13 हजार 340 किसान मन ल 17 करोड़ 92 लाख के धान बोनस अउ सूखा राहत के अंतर्गत 13 हजार 193 किसान मन ल 12 करोड़ 12 लाख रुपिया के राशि वितरित करिन।
ये बखत म विधानसभा अघ्यक्ष गौरी शंकर अग्रवाल, विधानसभा उपाध्यक्ष बद्रीधर दीवान, पंचायत एवं ग्रामीण विकास मंत्री अजय चंद्राकर, नगरीय प्रशासन मंत्री अमर अग्रवाल, लोकसभा सांसद लखन लाल साहू, महिला आयोग के अध्यक्ष हर्षिता पाण्डेय, छत्तीसगढ़ गृह निर्माण मंडल के अध्यक्ष भूपेन्द्र सिंह सवन्नी, पूर्व विधानसभा अध्यक्ष धरमलाल कौशिक, जिला पंचायत बिलासपुर के अध्यक्ष दीपक साहू, नगर निगम बिलासपुर के महापौर किशोर राय समेत अबब्ड़ संख्या म ग्रामीण उपस्थित रहिन हे।

Related Articles

Leave a Reply

Your email address will not be published. Required fields are marked *

Close