ताजा समाचार

14 बछर पहिली गांव म लगिस बिजली के खंभा …… फेर बिजली नइ पहुचिस आज ले

ऐतमा नगर के आश्रित ग्राम के ग्रामीन मन कतको बेरा एखर सिकायत कर डरे हे

कोरबा। पावर हब के नाव ले प्रसिद्ध कोरबा जिला ल भले ही छत्तीसगढ़ अऊ दूसर राज्य ल रौसन करे के कीर्तिमान हासिल हे। फेर ये उर्जा नगरी के तीर- तखर के कतको ग्राम पंचायत मन ह आज घलो अंधियार म डूबे हवय। अइसने मामला पोड़ी-उपरोड़ा विकासखंड के ग्राम पंचायत ऐतमा नगर के आश्रित ग्राम के हे। बांगो बांध ले प्रभावित ग्रामीन मन ल पुर्नवास तो दे गिस। फेर पुर्नवास के 40 बछर बाद घलो गांव म मूलभूत सुविधा के कमी बने हे। 14 बछर पहिली गांव म बिजली के खंभा लगाए गए रहिस, फेर बिजली अभु ले नइ पहुंच सकिस हे। ग्रामीन मन कई बेरा एखर सिकायत जिम्मेदार अधिकारी मन तक पहुंचाए गिस। फेर अभु तक एमन के समस्या के समाधान नइ होइस हे।

Related Articles

Leave a Reply

Your email address will not be published. Required fields are marked *

Close