ताजा समाचार

पदयात्री मन ह मोहम्मद खान के नेतृत्व म सौजन्य मुलाकात करिन रमन ले

गौसेवा सद्भावना पदयात्रा म 12 हजार कि.मी. के दूरी ह दू बछर म पूरा होही

रायपुर। मुख्यमंत्री डॉ. रमन सिंह ले ऊंखर निवास कार्यालय म गौसेवा सद्भावना पदयात्रा म सामिल पदयात्री मन ह मोहम्मद फैज खान के नेतृत्व म सौजन्य मुलाकात करिन अऊ पदयात्रा के संबंध म विस्तृत जानकारी दीन। मुख्यमंत्री ह गौ संरक्षण अऊ संवर्धन बर करे जात ए पदयात्रा बर शुभकामना दीन।
मुख्यमंत्री ले मुलाकात के समय श्री खान ह बताइस कि ये पदयात्रा 24 जून 2017 ले लेह ले चालू होए रहिस अऊ अब तक जम्मू-कश्मीर, हिमांचल प्रदेश, उत्तराखंड, पश्चिम बंगाल, झारखंड संग आठ राज्य मन ले गुजरत छत्तीसगढ़ पहुंचे हे। अब तक 5500 कि.मी. के पदयात्रा पूरा हो गे हे। गौ सेवा पदयात्रा दू चरन म पूरा होही पहिली चरण म लेह ले कन्याकुमारी अऊ दूसर चरन म कन्याकुमारी ले अमृतसर तक पदयात्रा करे जाही। ये पदयात्रा 12 हजार कि.मी. के दूरी तय करही अउ ये दू बछर म पूरा होही।

Related Articles

Leave a Reply

Your email address will not be published. Required fields are marked *

Close