सियासत

काबर कहिस रमन ह ….केंद्र सरकार के ऐतिहासिक फइसला

बीजेपी सरकार ह जे वादा करिन हे ओला पूरा करिन

रायपुर। केंद्र सरकार के फसल मन के न्यूनतम समर्थन मूल्य बढ़ाय जाय ले मुख्यमंत्री रमन सिंह ह प्रधानमंत्री नरेंद्र मोदी के जमके तारीफ करीन। उमन कहिन के ‘केंद्र सरकार के ये ऐतिहासिक फइसला हे अउ आज के दिन किसान मन बर होली अउ दिवाली जइसे दिन हे।’
मुख्यमंत्री रमन सिंह ह कहिन के, ‘मोदी सरकार के ये ऐतिहासिक फइसला हे अउ मैं छत्तीसगढ़ के सबो विधायको मन, किसान मन अउ ढा़ई करोड़ जनता के ओर ले उमन ल धन्यवाद देवत हव। मोदी सरकार ह अपन घोसना के अनुरूप न्यूनतम समर्थन मूल्य (एमएसपी) बढ़ाय जाय के ऐतिहासिक ऐलान करिन हे। आज के दिन स्वर्णिम दिन हे। ये किसान मन बर दीवाली अउ होली दूनों हवय। सीएम ह कहिन के, ‘किसान मन के पास पइसा जाही तव किसान अउ उत्साहित होही अउ क्रांतिकारी परिवर्तन आही। किसान मन के हमदर्द कोनो सरकार हे त वो बीजेपी सरकार हे। जे वादा करिन हे ओला आज पूरा करिन हे। छत्तीसगढ़ म हम ये ला उत्सव के रूप म मनाही। गांव-गांव म कार्यक्रम होही अउ पीएम मोदी ल धन्यवाद देंही।

Related Articles

Leave a Reply

Your email address will not be published. Required fields are marked *

Close