ताजा समाचार

सांसद उसेंडी के फारम हाउस ल आईडी ब्लास्ट करके उड़इस नक्सली मन

मवउका म ले पांच किलो के आईईडी बरामद

कांकेर। छत्तसीगढ़ म नक्सली मन ह भाजपा सांसद विक्रम उसेंडी के घर ल अपन निशाना बनाए हे। नक्सली मन ह सांसद के फारम हाउस बन घर म आईडी धमाका करिन। जेमा फारम हाउस के एक हिस्सा क्षतिग्रस्त हो गेहे। ये घटना ह कांकेर के ताड़ोकी पुलिस चौकी के अंतरगत घटे हे। उसेंडी कांकेर ले भाजपा सांसद हे।
सांसद विक्रम उसेंडी के अंतागढ़ थाना के बर्रेबेड़ा के फारम हाउस ल आईडी ब्लास्ट कर के नक्सली मन ह उड़ा दिस हे। ये ब्लास्ट म फारम हाउस म बने मकान पूरा तरह ले ध्वस्त हो गेहे। उहें फारम हाउस के एक हिस्सा क्षतिग्रस्त हो गिस हे। ये दौरान फारम हाउस में मवजूद करमचारी मन ले मारपीट घलोक करे गिस । ये खर बाद उहां रहइया मनखे मन ल घर ले बाहिर निकाल दे गिस । ओखर बाद नक्सली मन आईईडी से फारम हाउस ल उड़ा दिस हे। एती मवउकाम पुलिस ह पांच किलो के आईईडी बरामद करिस हे। नक्सली मन सुरक्षाबल ल नुकसान पहुंचाए के इरादा म आईईडी प्लांट करे रिहिन हे। कांकेर एसपी ह ये मामला म पुष्टि करिस हे।

Related Articles

Leave a Reply

Your email address will not be published. Required fields are marked *

Close