ताजा समाचार

तय्यार रहव… ये तारीख ले सुरू हो जाही जगदलपुर-रायपुर विमान सेवा …

विमान सेवा के सुरुआत विकास यात्रा के पहिली दिन केंद्रीय गृहमंत्री राजनाथ सिंह करही

रायपुर। छत्तीसगढ़ म घरेलू विमान सेवा सुरू होके इंताजर अब खत्म होगे हे। प्रदेशवासी मन बर खुसखबरी हे। रायपुर ले जगदलपुर बर विमान सेवा 12 मई ले सुरू होही। विमान सेवा के सुरुआत विकास यात्रा के पहिली दिन केंद्रीय गृहमंत्री राजनाथ सिंह करही । इहां 18 सीट वाले विमान संचालित कर जाही। येखर पहिली टिकट दंतेवाड़ा कलेक्टर सौरभ कुमार ल मिले हे।
रायपुर-जगदलपुर के बीच म 12 मई ले विमान सेवा शुरू होवइया हे। शुरुआत म 18 सीट वाले वाली विमान चलाए जाही। विमान सेवा सुरु होय ले बस्तर म स्थित ऐतिहासिक अउ पर्यटन ल बढ़ावा मिलही। येखर बर इही हफ्ता ले ट्रायल सुरू करे जाही। राज्य सरकार ह विमान संचालन करइया विमानन कंपनी एयर ओडि़शा ल सूचना दे देहे।
बतादन कि रायपुर ले जगदलपुर बर सुरू होवइया हवाई सफर बर टिकट मन के बुकिंग सुरू होगे हे। दंतेवाड़ा कलेक्टर सौरभ कुमार ह ये हवाई सफर के लुत्फ उठाए बर पहिली टिकट बुक कराए हे। मिले जानकारी म बिहनिया 7.55 म रायपुर ले उड़ान भरेही, 9.10 म जगदलपुर ले उड़ान भरके 9.50 म विशाखापटनम पहुँचही अउ करीब बीस मिनट के बाद फेर उड़ान भरकर 10.50 पर जगदलपुर पहुँचही अउ इहाँ ले उड़ान भरकर 11.55 म लहुट के रायपुर पहुँचही।

Related Articles

Leave a Reply

Your email address will not be published. Required fields are marked *

Close