ताजा समाचार

कर्नाटक के हेबल विधानसभा म रमन के हुंकार, करिन भाजपा प्रत्याशी के पक्ष म प्रचार, रोड शो म होईन शामिल

आज ले थम गे हे कर्नाटक चुनाव के प्रचार-प्रसार, भाजपा कांग्रेस आमने-सामने

बेंगलुरू/ रायपुर। कर्नाटक म 12 मई के जनता ह अपन नवा सरकार के चुनाव करहि। आज ले उहां के प्रचार-प्रसार ह थम गे हे। प्रचार प्रसार के आखिरी दिन भारतीय जनता पार्टी अऊ कांग्रेस पार्टी ह अपन पूरा ताकत झोंक दिस। इही कड़ी म छत्तीसगढ़ के मुख्यमंत्री डॉ. रमन सिंह ह घलो रोड़ शो करिन। बता देन कि डॉ. रमन ह भाजपा के स्टार प्रचारक के भूमिका निभाईन।

मुख्यमंत्री डॉ. रमन सिंह ह अपन ट्वीटर म ट्वीट करके बताईन कि राज्य के हेबल विधानसभा क्षेत्र म भाजपा प्रत्याशी के संग ओमन ह रोड़ शो करिन। ऐ अवसर म उमड़े जनसैलाब अऊ जनता के प्यार ले ऐ साफ हो गे कि कांग्रेस के वर्तमान 50 सीट ह घलो नई आए। संगे संग येदियुरप्पा के नेतृत्व म भाजपपा के सुशासन के कमल खिलही। डॉ. रमन बीजेपी के स्टार प्रचारक हरे अऊ पहिली भी ओमन ह कर्नाटक म बीजेपी सीएम इन वेटिंग येदियुरप्पा के समर्थन म प्रचार घलो कर चुके हे। बीजेपी के राष्ट्रीय अध्यक्ष अमित शाह ह घलो कर्नाटक म प्रचार-प्रसार म अपन पूरा दम झोंक दे हाबे। कर्नाटक के ऐ चुनाव म सियासत के हर रंग देखे बर मिलत हे। संगे संग दुनों पार्टी बर ऐ ह अपन साख बचाए के सवाल बन गे हे।

Related Articles

Leave a Reply

Your email address will not be published. Required fields are marked *

Close