ताजा समाचार

एक ठन परिवार के चार लोगन के बेरहमी ले हत्या

हत्या के वारदात बाद ले पूरा गांव म सनसनी फइल गिस

महासमुंद। जिला के किशनपुर म आज बिहनिया म एक परिवार के चार झन लोगन के बेरहमी ले हत्या कर गिस हे। आरोपी मन ह फावड़ा अउ धारदार हथियार ले वार कर के पूरा परिवार खत्म कर दिस हे। वारदात म कोन लोगन मन करिन हे येकर खुलासा नइ हो सकिस ।
अज्ञात आरोपी मन ह पति-पत्नी अउ उंखर दो बच्चा के उपर फावड़ा अउ धारदार हथियार ले हमला कर के हत्या करिन हे। एक ही परिवार के चार झन लोगन के हत्या के वारदात बाद ले पूरा गांव म सनसनी फइल गिस हे।
बताये जात हे कि मृतक महिला स्वास्थ्य कार्यकर्ता के पद म काम करत रहिस हे । हत्या के सनसनीखेज वारदात के सूचना मिले के बाद पिथौरा थाना पुलिस मउवका म पहुंच गिस हे। पुलिस ह घटना के तफ्तीश सुरु कर दीस हे। फिलहाल पति-पत्नी अउ दो मासूम बच्च मन के हत्या के वारदात म कोन लोगन मन हे अउ काबर घटना ल अंजाम दिस हे, ये बात के खुलासा नइ हो पाइस हे। पुलिस मामला के जांच करत हवय।

Related Articles

Leave a Reply

Your email address will not be published. Required fields are marked *

Close