प्रधानमंत्री मोदी ले बातचीत करिस केन्द्री के मीरा बांधे ह

रायपुर। प्रधानमंत्री जीवन ज्योति योजना ह एक बेसहारा औरत ल सहारा दिस हे । ये योजना ले प्राप्त 2 लाख रूपिया के बीमा राशि ह उंखर और उमन के परिवार बर मददगार बनके आघू आईस। गृहनी के संग- संग कृषि मजदूरी कर के अपन परिवार के पालन-पोषण करइया बांधे ह ये राशि ल अपन 3 नानुक लइका के पढ़ाई-लिखाई अउ भविष्य के जरूरत मन ह पूरा करे बर बैंक म सुरक्षित रखे हे। ये जानकारी केन्द्री के मीरा बांधे ह प्रधानमंत्री नरेन्द्र मोदी ल बताईस।
दरअसल प्रधानमंत्री आज बिहनियां वीडियों कांफ्रेसिंग के माध्यम ले देशभर के जिला सूचना विकास केन्द्र मन के माध्यम ले प्रधानमंत्री जीवन ज्योति योजना, प्रधानमंत्री वय वंदना योजना, प्रधानमंत्री सामाजिक सुरक्षा योजना अउ अटल पेंशन योजना के हितग्राही मन ले रू-ब-रू होत रहिन हे। इही दउरान प्रधानमंत्री मोदी ह रायपुर जिला के अभनपुर विकासखण्ड के ग्राम केन्द्री के मीरा बांधे ले बातचीत करिन। प्रधानमंत्री ल मीरा बांधे ह बताइस के उंखर पति जनकलाल बांधे, जे एक निजी इंजीनियरिंग कॉलेज म लैब सहायक के रूप म कार्य करत रिहिस हे, के हृदयघात ले मृत्यु होय ले उमन के आघू दुःख, विपदा अउ आर्थिक संकट के घड़ी आ गिस।
प्रधानमंत्री ले बातचीत करत हुए श्रीमती बांधे ह बताइस के उमन ह गांव के बैंक मित्र योगेश्वर साहू के माध्यम ले प्रधानमंत्री जीवन ज्योति बीमा योजना के जानकारी मिलीस अउ उँखर पति के देना बैंक के माध्यम ले 330 रूपिया के प्रीमियम राशि जमा करके अपन पंजीयन कराय रिहिस हे। पति के आकस्मिक मृत्यु होय म एलआईसी के माध्यम ले उमन ल करीब 2-3 माह म बीमा के राशि प्राप्त हो इस हे।