शिवरीनारायण नगर पंचायत के अपात्र अधिकारी मन ल लाभ दे के आरोप

जांजगीर। जिला के नगर पंचायत शिवरीनारायण म प्रधानमंत्री आवास स्वीकृति म गड़बड़ी के मामला आगू आइस हे। एल्डरमेन परमानन्द कश्यप ह पीएम आवास योजना के तहत नगर पंचायत के अपात्र अधिकारी मन ल लाभ दे के आरोप लगाइस। सीएमओ ले सिकायत के बाद घलो कार्रवाई नइ होए ले अब एल्डरमेन ह कलेक्टर ले सिकायत के बात कहिस हे, जेकर उपर नगर पंचायत के इंजीनियर ह सिकायत के बाद पीएम आवास के निर्मान रोके के बात कहिस अऊ आगू के कार्रवाई के आस्वासन दिस।