ताजा समाचार

रेणु जोगी ह अपन पार्टी के नेता राहुल के संग मंच साझा करिस

नइ गिस अपन पति के कार्यक्रम म मरवाही

रायपुर। छत्तीसगढ़ म गुरुवार के राजनीतिक पारा अपन चरम म रहिस हे। इहाँ अखिल भारतीय कांग्रेस कमिटी के अध्यक्ष राहुल गांधी दू दिन बर छत्तीसगढ़ आये हे।
अइसे म पहिली दिन उमन ल राजधानी रायपुर ,सीतापुर अउ कोटमी म जनसभा ल संबोधित करिन हे। उहे जनता कांग्रेस छत्तीसगढ़ जे ह घलो राहुल के सभा ल देखत हुए गुरुवार के ही पेंड्रा म विशाल सभा के आयोजन करिस हे।
ये सियासी दउर म एक बात के जोरो म चरता रहिस हे कि अजीत जोगी के पत्नी रेणु जोगी काखर सभा म सामिल होही। रेणु जोगी ह जोगी के सभा म जाए ले परहेज करत हुए राहुल गाँधी के सभा म हिस्सा लिस।
ये दइरान नजारा अइसे रहिस हे कि जइसे एक परिवार के लोगन अलग अलग बुता करत हे। ये डहर अजीत जोगी अउ अमित जोगी पेंड्रा म जनसभा ल संबोधित करत हे तो उहें अजीत जोगी के पत्नी अउ कोटा विधायक रेणु जोगी अपन कांग्रेस पार्टी के कार्यक्रम म हिस्सा लेके राहुल गाँधी के संग मंच साझा करत रहिन हे।

Related Articles

Leave a Reply

Your email address will not be published. Required fields are marked *

Close