ताजा समाचार

तरिया पाट के करे जात हे स्कूल भवन अऊ छात्रावास के निर्मान

सहर के इमलीपारा निवासी मन म भारी आक्रोस हे

रायपुर। कांकेर म प्रयास आवासीय विद्यालय के स्कूल भवन अऊ छात्रावास के निर्मान बर तरिया पाटे ल लेके सहर के इमलीपारा निवासी मन म भारी आक्रोस हे। इमलीपारा के लोगन मन के कहिना हे कि एक तरफ सरकार जल संरक्षन बर ज्यादा ले ज्यादा तरिया खोए के बात कहत हे। उहें पहिली ले बने तरिया ल बिल्डिंग बनाए बर पाटे जात हे। तरिया के कुछु हिस्सा ल तो पाट घलो दे गे हे। तरिया पाटे के जानकारी तक वार्ड के लोगन मन ल नइ दे गे हे। 30 अप्रैल के बिहिनिया जब तरिया पाटे बर एक दरि फेर पोकलेन मसीन पहुंचिस, तब स्थानीय लोगन मन एकर बिरोध करना सुरू कर दिन। लोगन मन के कहिना हे कि तरिया के गहरीकरन के मांग उपर त प्रसासन ह कभू धियान नइ दिस हे। उल्टा तरिया ल पाटे के आदेस जारी कर दे गे हे।

Related Articles

Leave a Reply

Your email address will not be published. Required fields are marked *

Close