विशेष

चिरायु योजना ह भर दिस मासूम मन के जिनगी म उजियारा

देवभोग के चिरायु दल के प्रयास ले 3 साल के रोशन अऊ पलक के सफल ओपन हार्ट सर्जरी

गरियाबंद. चिरायु योजना ह जिला के दू मासूम के जिनगी म उजियारा बन के आईस। दिल के बीमारी ले पीड़ित लईका 3 साल के रोशन अऊ पलक के ऐ योजना के तहत हार्ट सर्जरी होईस जेखर ले एखर व एखर परिवार वाला मन के जिनगी म मुस्कान भर गे। बता देन कि राष्ट्रीय बाल स्वास्थ्य कार्यक्रम अंतर्गत लईका मन के बेहतर स्वास्थ्य बर गठित देवभोग के चिरायु दल के परयास ले ऐ ओखर मन के ओपन हार्ट सर्जरी होईस हे।

सर्वेक्षण  म पता चले रिहिस कि देवभोग विकासखंड के 3 साल के मासूम रोशन सिन्हा अऊ गाड़ाघाट के 3 साल के पलक घ्रुव हृदय रोग ले पीड़ित रिहिन। चिरायु दल के डॉक्टर मन ह बताईस कि ऐ दूनों लईका के केस काफी जटिल रिहिस अईसे में ऐखर मन के ऑपरेशन राज्य म संभव नई हो सकत रिहिस। ऑपरेशन बर केरल के कोच्चि स्थित अमृता मेडिकल साइंस इंस्टीट्यूट में संपर्क करे गिस। प्राथमिक जॉच के बाद पिछले 6 फरवरी के रोशन अऊ 9 फरवरी के पलक के ओपन हार्ट सर्जरी करे गिस। रोशन के उपचार म 1 लाख 17 हजार रूपए अऊ पलक के उपचार में 1 लाख 73 हजार रूपए के खर्च आईस जेन ल छत्तीसगढ़ शासन के चिरायु योजना के तहत वहन करे गिस।

14 परिवार म बगरे हे मुस्कान

उल्लेखनीय हे कि ए योजना म अब तक जिला के कुल 14 लईका मन के सफल उपचार हो चुके हे। अईसने मुख्यमंत्री डॉ रमन सिंह के अत्यंत महत्वाकांक्षी चिरायु योजना ले ना केवल मासूम लईका मन ल नवा जिनगी मिलत हे, बल्कि ओखर माता-पिता व परिवारजन मन के जिनगी भी मुस्कान ले बिखर गे हे। पलक के पिता तेजराम घ्रुव अऊ रोशन के पिता बलभद्र सिन्हा ह मुख्यमंत्री डॉ रमन सिंह ल धन्यवाद दे के संगे संग आभार व्यक्त करे हे।

Related Articles

Leave a Reply

Your email address will not be published. Required fields are marked *

Close