ताजा समाचार

8 लाख के केमत के 4 ठन पेड़ ल काट के लेगिस तस्कर मन

फारम हाउस के मालिक के रिपोर्ट म अज्ञात चोर मन के खेलाफ मामला दरज

अंबिकापुर। जिला म विगत कतको बछर के बाद एक बार फेर चंदन पेड़ मन के तस्करी करइया गिरोह ह अपन सक्रियता दिखास हे। ये दरी ये तस्कर मन ह एक फारम हाउस म धावा बोलिस हे। ये दउरान फारम हाउस म लगे चंदन के 4 ठन पेड़ मन ल काटके तस्कर अपन संग लेगिस हे। ये चंदन लकड़ी मन के केमत 8 लाख रुपिया आंके गिस हे। बहरहाल पुलिस ह फारम हाउस के मालिक के रिपोर्ट म अज्ञात चोर मन के खेलाफ मामला दरज कर लिस हे।
पुलिस ह बताइस के एमजी रोड के माखन बिहार के संचालक शैलेश अग्रवाल के फारन हाउस म लगभग 25 साल पुराना चंदन के कुछु पेड़ हे, जेला बीती रात म चंदन तस्कर मन ह करीबन 10 फीट ऊंचा दीवार ल फांदके फारम हाउस म प्रवेस करिन अउ दीवार के तीर म लगे चंदन के पुराना 4 पेड़ ल कटर ले काट लिस। अउ पेड़ मन के जड़ ले ऊपर के मोटा तना ल छांटकर अपन संग ले गिस हे। पीड़ित के कहिना हे के एक पुराना चंदन के पेड़ ले करीबन 20 किलो चंदन निकलत हे। ये तरह ले 4 पेड़ मन ले निकले चंदन के केमत बाजार म करीबन 8 लाख रुपिया हे। पुलिस अभु मउका म जांच करत हे।

Related Articles

Leave a Reply

Your email address will not be published. Required fields are marked *

Close