ताजा समाचार

जहरीला साँप के काटे ले चल दिस मासूम के जान

परछी म सूते रिहिस लईका, जिला अस्पताल लाए के बाद घलो नई हो पाईस इलाज

नवनीत शुक्ला @ जय जोहार

मुंगेली. ग्राम रोहराखुर्द निवासी 5 साल के मासूम दीपक पिता विश्वनाथ ल सांप ह डस दिस जेखर बाद ओखर मौत हो गे। बताए जात हे कि लईका अपन घर के परछी म सूते रिहिस उही दरी रात करीब 2 बजे जहरीला सांप ह आ के डस दिस। परिवार वाला मन आनन फानन म ओला रात साढ़े तीन बजे जिला अस्पताल मुंगेली पहुंचईस लेकिन ओला नई बचाए जा सकिस।

हर सबसे बड़े विडम्बना ये हे कि ग्रामीण क्षेत्र म आज भी झाड़फूंक करईया मन के बोलबाला हे। ऐखर सती साँप, बिछु, काटे वाला मन पहिली अस्पताल न जा के अइसन मन के शरण म जाथे। अउ ईलाज पानी के अभाव म अधिकतर लोगन ल अपन जान गवाय बर पड़थे। ये आज के बैज्ञानिक युग के सबले दुखदाई पहलू हरे।

Related Articles

Leave a Reply

Your email address will not be published. Required fields are marked *

Close