ताजा समाचार

पंडरिया म किसान मन बर तीन ठन बड़े घोसना के एलान

कबीरधाम जिला के जनता मन ल 115 करोड़ 53 लाख के 242 निरमान कारज मन के सौगात

रायपुर । मुख्यमंत्री डॉ. रमन सिंह ह आज प्रदेशव्यापी विकास यात्रा के दउरान कबीरधाम जिला के विकासखंड मुख्यालय पंडरिया के आमसभा म छत्तीसगढ़ के किसान मन बर तीन ठन बड़े घोसना करिन । डॉ. सिंह ह कहिन कि किसान मन ल एक सिंचाई पम्प पर ये बेरा म 7500 यूनिट बिजली नि: सुल्क दे जात हे। अब किसान येखर ले जादा बिजली के खपत होय मर फ्लैट रेट म घलोक बिजली के बिल के भुगतान कर सकत हे। उमन कहिन कि – प्रथम सिंचाई पम्प के संग किसान मन ल अपन अन्य सिंचाई पम्प मन , पांच हार्स पावर ले जादा क्षमता के सिंचाई पम्प मन म घलोक बिजली बिल के भुगतान फ्लैट रेट पर करे के सुविधा मिलही। येखर संगे संग उमन ल सिंचाई पम्प मन के बिजली कनेक्शन देय बर आज ले एक लाख रूपिया तक के अनुदान के सुविधा फेर ले सुरू करे के घोसना करिन । जानत हो हूं कि कि ये सुविधा कुछु बखत बर बंद हो गे रिहिस हे ।
प्रदेश के चार लाख ले जादा सिंचाई पम्प धारक किसान मन ल मुख्यमंत्री के आज के घोसना ले लाभ मिलही। डॉ. रमन सिंह ह पंडरिया के आमसभा म आज कबीरधाम (कवर्धा) जिला के जनता मन ल 115 करोड़ 53 लाख रूपिया के 242 निरमान कारज मन के सौगात दीन। उहें डॉ. सिंह ह करीबन 72 हजार 335 हितग्राही मन ल सासन के विभिन्न कल्याणकारी योजना मन के तहत लगभग 49 करोड़ 22 लाख रूपिया के सामग्री अउ सहायता रासि के चेक वितरित करिन।

Related Articles

Leave a Reply

Your email address will not be published. Required fields are marked *

Close