ताजा समाचार

नर्स मन ल 4 जून तक काम म लउटे के अल्टीमेटम

कहिस कि काम नइ लउटही त बर्खास्त कर दे जाही

रायपुर। नर्स मन के हड़ताल ल लेके एक बड़े खबर आघू आइस हे। सरकार ह सबो नर्स ल 4 जून तक काम म लउटे के अल्टीमेटम दिस हे, संगे- संग काम म नइ लउटे म बर्खास्त करे के बात ​कहिस हे। बता देन कि नर्स मन लगभग 15 दिन ले अपन मांग ल लेके हड़ताल म बइठे हे, जे ला सुक्रवार के बिहनिया गिरफ्तार कर के जेल भेज दे गिस हे।
नर्स मन ल गिरफ्तारी के बाद जेल परिसर म खुले आसमान के नीचे पूरा रात बिताय बर मजबूर रहिन हे। उंखर ये हालत के प्रशासन ह सुध तक नइ लीस। खाना तो दूर के बात उमन ल पीय बर पानी तक नइ मिलिस। वॉसरूम तक के व्यवस्था नइ करे गिस । येकर सेती नर्स मन ल भारी परेशानी के सामना करे बर पड़िस हे। आरोप हे कि रोवत- बिलखत सड़क म खड़े नर्स मन के परिजन मन ल पुलिस ह लाठी मारके भगा दिस हे। पुलिस के ये रवैए के प्रति परिजन मन म आक्रोश हे।

Related Articles

Leave a Reply

Your email address will not be published. Required fields are marked *

Close