उभरता सिताराछॉलीवुड समाचार

दीपिका पादुकोण के पिंकू फिलिम कस रोल करे के तमन्ना रखथे बंगाली बाला शालिनी बोस….

छालीवुड के शान बने अऊ एक्टिंग म जलवा बिखेरे बर तैयार, मॉडलिंग अऊ पढ़ई लिखे म रुझान रखे के बाद छत्तीसगढ़ी फिलिम म कोनों ब्रेक के इंतजार

दीपक बावनकर

जय जोहार. आज के हमर उभरता सितारा हे बंगाली बाला शालिनी बोस… जेखर खूबसूरती अऊ फ्रेश चेहरा ह छॉलीवुड के शान बने बर तैयार हे। इही कारण हे कि मॉडलिंग अऊ पढ़ई-लिखई के दौर ले गुजरे के बाद शालिनी ह अब अईसे कोनों ब्रेक के इंतजार करत हे जेमा सशक्त भूमिका ओखर रहय। दीपिका पादुकोण ल अपन रोल मॉडल मनईया शालिनी ह ओखरे असन पिंकू फिलिम जईसे सशक्त भूमिका करे के तमन्ना रखथे।

वर्तमान म शालिनी ह ग्रेजुएक के डिग्री ले ले हे अऊ अंग्रेजी म एमएम करे के तैयारी करत हे। 17 नवंबर 1996 म जन्मे शालिनी ह अभ छत्तीसगढ़ी फिलिम म कोनों बेहतर काम करे के तमन्ना रखथे। हालांकि छत्तीसगढ़ी फिल्म इंड्रस्ट्री के ओला ज्यादा जानकारी नई हे लेकिन शालिनी ह अईसन लड़की आय जेन ह कुछ न कुछ नवा अनुभव ले के कोशिश लगातार करथे। शुरू ले ही मॉडलिंग के क्षेत्र म रुचि रखईया शालिनी के हाइट अउ पर्सनालिटी ह ऐ क्षेत्र म ओखर भरपूर साथ दिस अऊ इही ह ऐखर सबले बड़े ताकत घलो हरे। अईसे में ए बात ह कोनों बड़का बात नोहे कि शालिनी ह अइसन लड़की हे जेन ह अपन सपना न पूरा करे के ताकत रखथे। एखर बर ओला परिवार के घलो पूरा सपोर्ट मिलथे।

अपन रोल मॉडल मानुसी चिल्लर ल मनईया शालिनी ह जय जोहार ले बातचीत म कहिथे कि भविष्य में ओखर प्लानिंग फेमिना मिस इंडिया 2019 के ताज ल अपन नाम अऊ देश बर अंतर्राष्ट्रीय मंच म प्रतिनिधित्व करे के हे। मॉडलिंग के क्षेत्र म फेमिना मिस इंडिया छत्तीसगढ़ 2018 के ऑडिशन ले शालिनी ह अपन सपना ल पंख दे के कोशिश ल शुरू करिस हे। इही ल अपन पहली अनुभव मानथे अऊ 2019 के टारगेट म ऐमा मिले अनुभव ल देख के तैयारी म जुटे हे।

एखर बाद बिलासपुर म होए रिहिस छत्तीसगढ़ कार्निवाल म भी शालिनी ह पार्टिसिपेट करे रिहिस। ओखर बाद आऊट फिट आईकॉन 2018 अऊ मिस फेस रायपुर म घलो भाग ले रिहिस। जेन म मिस इंटेलिजेंट (बुद्धिमान) अऊ एक म मिस कम्पासनेट (दयालु) के खिताब मिले रिहिस।

शालिनी ह बताथे कि स्कूल कॉलेज के दिन ले ही ओला एक्टिंग म रुझान शुरू हो गे रिहिस अऊ ऐ दौरान ओहा काफी एक्टिंग घलो करे हे। इही कारण शालिनी ह कहिथे के जेन काम में करे हों ओला देख के लागथे कि में जेन सपना ल देखत हों ओला पूरा ईमानदारी ले पा लूहूं। शालिनी के पिताजी एयरफोर्स म रिहन हे जेखर कारण देश म कई जगह ओखर रहना होईस। पिछले दस साल ले ओहा रायपुर म हे अऊ रायपुर ले ओहा अब्बड़ मया करथे।

Related Articles

Leave a Reply

Your email address will not be published. Required fields are marked *

Close