1396 सउचालय के निर्मान कागज म ही करा दिन अफसर मन

कोरबा। जिला म सउचालय निर्मान म बड़े घोटाला आघू आइस हे। इहां अफसर मन पाली ब्लॉक के 4 ग्राम पंचायत म 1396 सउचालय के निर्मान कागज म ही करा दिन। उहें अब अधिकारी मन कड़ा कार्रवाई के बात कहत हे। बता दन कि जिला म ओडीएफ ह अफसर मन के मोटा कमाई के माध्यम बन गए हे। जिहां अफसर मन कागज म ही 1400 टॉयलेट बना दिन अऊ ओकर निर्मान बर सरकार ले मिलइया लगभग डेढ़ करोड़ रूपिया के बंदरबांट घलो करिस। उहें रिकार्ड के माने ते पॉली ब्लॉक के ग्राम पंचायत म 2032 सउचालय के निर्मान होना रहिस, फेर आफिसर मन खाली 636 सउचालय के निर्मान कराए के बाद बाकी सउचालय के निर्मान कागज म ही करा दिन। जेकर खुलासा जिला पंचायत के टीम के जांच के बाद आघू आइस हे। उहें अब कोरबा कलेक्टर ह मामला के संज्ञान म आए के बात कहिस अऊ रिपोर्ट देखे के बाद मामला के दोसी मन उपर कार्रवाई के बात कहत हे ।