ताजा समाचार

14 जून के इहां आमसभा के संग कई ठन कार्यक्रम म शामिल हो ही मोदी ह

पहिली चरण के विकास यात्रा के समापन घलो प्रधानमंत्री करही

रायपुर। इही माह के 12 तारीख म बीजापुर प्रवास के बाद प्रधानमंत्री नरेंद्र मोदी फेर 14 जून के छत्तीसगढ़ दउरा म आवत हे। श्री मोदी भिलाई के जयंती स्टेडियम ले लगे मैदान म आयोजित विशाल सभा ल संबोधित करही। ये दउरान वो ह कई महत्वपूर्ण योजना मन के शुभारंभ घलोक करही। खबर हे कि प्रधानमंत्री के दउरा ल लेके पीएमओ ह घलो मंजूरी दे दीस हे।
श्री मोदी छग दउरा के दउरान भिलाई स्टील प्लांट के विस्तार के घलोक शुभारंभ कर सकत। येकर अलावा प्रधानमंत्री भिलाई म आईआईटी भवन के शिलान्यास करही। संगं- संग मुख्यमंत्री के पहिली चरण के विकास यात्रा के समापन घलो प्रधानमंत्री मोदी करही।
विकास यात्रा के पहिली चरण 12 मई के दंतेवाड़ा ले शुरू होय रिहिस हे, जेकर समापन भिलाई-दुर्ग म होही। जगदलपुर ले सुरू होवइया घरेलू विमान सेवा के उद्घाटन घलोक प्रधानमंत्री के हाथ मन ले कराये जा सकत हे।

Related Articles

Leave a Reply

Your email address will not be published. Required fields are marked *

Close