ताजा समाचार

यज्ञेश चौहान के कांसाबेल म जोरदार आतिशी ले स्वागत

मंत्री अउ अधिकारी मन ह टॉप टेन म आए बच्चा मन के घर म जाके दीस बधाई

जशपुर। 10वीं बोर्ड के परीक्षा म छत्तीसगढ़ म जशपुर के यज्ञेश चौहान ह बाजी मारी हे। छात्र मन के ये सफलता ल लेके जिला भर म खुशी के माहौल हो। टॉपर यज्ञेश चौहान जब अपन गांव डांड़टोली ले लउटत रहिस हे तब कांसाबेल म लोगोन मन उंखर जोरदार आतिशी ले स्वागत करिस। खुशी म लोगन मन ह ओला कंधा म बिठा लिस। देर रात तक टॉप टेन म आए सबो बच्चा मन के घर केंद्रीय मंत्री विष्णुदेव साय अउ गृहमंत्री रामसेवक पैंकरा पहुंचिन अउ बच्चा मन बधाई दीस।
ये जशपुर जिला बर गौरव के क्षण रहिस हे कि पहिली बार कोनो छात्र पूरा प्रदेश म दसवीं बोर्ड के परीक्षा म टॉप करिस। अतका ही नहीं टॉप टेन म आए बच्च मन ह ये भी बताइस कि सरकारी स्कूल मन म भी अच्छा पढाई होथे। अउ जब सरकार ह मेधावी बच्चा मन के पढ़ाई म सहयोग करत हे तो बच्चा मन टॉप म आही। जिला मुख्यालय म टॉप आए बच्चा मन के स्वागत के बाद केंद्रीय इस्पात राज्यमंत्री विष्णुदेव साय, जिला प्रभारी मंत्री रामसेवक पैंकरा, कलेक्टर डॉ. प्रियंका शुक्ला, एसपी प्रशांत सिंह ठाकुर, जिला सीईओ कुलदीप शर्मा ह यज्ञेश चौहान के संग ही सबो टॉपर बच्चा मन के घर जाके बधाई दीस अउ ये बच्चा मन ल जिला के गौरव बताइस।

Related Articles

Leave a Reply

Your email address will not be published. Required fields are marked *

Close