कांग्रेस के केंद्रीय नेतृत्व ल प्रदेस नेता मन उपर विस्वास नइए: अनिल जैन

रायपुर। छत्तीसगढ़ के भाजपा प्रभारी अनिल जैन ह सनिवार के पत्रकार मन ले चरता करत हुए कहिन के कांग्रेस के केंद्रीय नेतृत्व ल स्थानीय नेता मन उपर विस्वास नइए। जतना भी विज्ञापन हे ओमा राहुल गांधी, सोनिया गांधी के ही फोटू लगे हे। जेला देख के अइसे लगता हे के का राहुल गांधी छत्तीसगढ़ के मुख्यमंत्री बनइया हे। उमन कहिन के कांग्रेस ह झूठ के सहारा लेवत हे।
उमन कहिन के 1930 अउ 1949 म कांग्रेस ह छत्तीसगढ़ राज्य के विरोध करे रहिस हे। उमन कहिन के भारतीय जनता पारटी ह छत्तीसगढ़ निरमान करिस अउ नरेंद्र मोदी ह देस के जनता बर 33 करोड जन धन खाता खोलिस। कांग्रेस के बेरा म बैंक मन म जनता बर ये प्रकार के योजना नइ रहिस हे। नरेंद्र मोदी ह 90 प्रतिशत योजना मन ल गरीब मन बर बनाइस हे। कांग्रेस के झूठ के बारे म उमन कहिन के 1998 म कांग्रेस के घोसना म हर परिवार ल स्वास्थ्य कारड बनय अउ नि: सुल्क इलाज के घोसना करे रहिस हे , लेकिन कांग्रेस ह येला पूरा नइस करिस हे।