Home ताजा समाचार का इहू साल किसान मन सड़क म फेंकही  टमाटर ल ?

का इहू साल किसान मन सड़क म फेंकही  टमाटर ल ?

210
0
टमाटर किसान
व्यापारी 3 रुपिया प्रति किलो के दर ले टमाटर खरीदत हवय

व्यापारी अउ बिचौलीया मन उपर दाम नइ बढ़े देने के आरोप

रायपुर। छत्तीसगढ़ के जशपुर जिला म टमाटर किसान ए दिन म  अब्बड़ परेसान हवय। एक ओर जिहां बेमउसम बारिस के बाद टमाटर के फसल खराब होवत हे, उहें दूसर तरफ टमाटर के दाम नइ बढ़े ले किसान मन म काफी नाराजगी हे। किसान मन ह स्थानीय व्यापारी मन अउ बिचौलिया मन उपर दाम नइ बढ़ए के आरोप लगाइस हे।  बता दन के जशपुर म किसान मन ले व्यापारी 3 रुपिया प्रति किलो के दर ले टमाटर खरीदत हवय। जेखर ले  किसान मन के लागत तक नइ निकल पात हे।

जशपुर जिला के पत्थलगांव अउ लुड़ेंग क्षेत्र ल टमाटर नगरी के नाम ले जाने जाथे। इहां के किसान मन ह कम दाम ले नाराज होके  दू साल पहिली सड़क म हजार किवंटल टमाटर फेंक देय रहिस हे।  ए बार घलो हालात कुछु अइसे ही हे।  ए साल घलो मंडी म स्थानीय व्यापारी 3 रुपिया  प्रति किलो के दर ले किसान मन ले  टमाटर खरीदत हे।
किसान मन के आरोप हे के स्थानीय व्यापारी मन अउ बिचौलिया मन के वजह ले उमन ल टमाटर अउने-पउने दाम म बेचे बर पड़त हे। स्थानीय बिचौलिए अउ व्यापारी बाहिरी व्यापारी मन ल मंडी म आन नइ देवत हे। अउ अगर कोनो व्यापारी आथे तउँखर उपर दबाव बनाके कम दाम म खरीदे  बर मजबूर कर देथे। उहें ए मामला म प्रसासन चुप्पी साधे बइठे हे।
बहरहाल, टमाटर के दाम नइ बढ़े ले किसान चिंतित हवय। सरकार ह त बैंक ले ऋण माफ कर देय हे, लेकिन खेती बर स्थानीय व्यापारी मन ले कर्ज वो मन कइसे चुकाही। अगर टमाटर के दाम जल्द नइ बढ़त हे, त ए बेर फेर  किसान सड़क म टमाटर ल फेंके बर  मजबूर हो जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.