Home ताजा समाचार का ए तांत्रिक के वजह ले हारिस बीजेपी ह ? …

का ए तांत्रिक के वजह ले हारिस बीजेपी ह ? …

373
0
वीडियो वायरल
सैनी ह बृजमोहन के हार बर घलो हवन-पूजा करवाए हे

……सोसल मिडिया म होवत हे वीडियो वायरल

रायपुर । सोसल मीडिया म एक वीडियो वायरल होवत हवय। एमा एक हवन होत दिखत हे.. मंत्र पढ़े जात हे…. यज्ञ करइया  प्रदेस के पूर्व मुख्‍यमंत्री डॉ रमन सिंह के खेलाफ पूजा पाठ करत दिखत हे।…. दावा करे जात हे के  इहीं तंत्र क्रिया अउ पूजा पाठ के चलत प्रदेस के राजनीतिक नक्सा ले बीजेपी के सूपड़ा साफ होइस हे अउ 15 साल के सरकार 15 सीट म आ गिस।  

ए वीडियो के पड़ताल करे म  पता चलथे के वीडियो म पूजा पाठ करिया पुजारी के नाम नीरज सैनी हे। रायपुर के नीरज  ह बताइस के वो तकरीबन 2 साल ले बीजेपी सरकार ल खत्‍म करे बर यज्ञ करत हवय। नीरज धूमावती पीठ के प्रमुख हे। उमन  बताइस के अइसे 10 यज्ञ उमन कराए हे। अउ मंत्री रहे बृजमोहन अग्रवाल के खेलाफ घलो उमन पूजा पाठ करिन हे।  एखर अलावा दक्षिण रायपुर विधानसभा ले चुनाव घलो लड़ चुके हे। सैनी ह बृजमोहन के हार बर घलो हवन-पूजा करवाए हे, लेकिन उमन ह 17500 ले जादा मत ले जीत दर्ज करिन हे। जब उमन ले पूछे दिस के अइसन पूजा काबर करे गिस तब नीरज के कहिना हे के पाछु सरकार के मंत्री अहंकारी अउ धर्म के अपमान करइया रहिस हे।
गउरतलब हे के बीजेपी के नेता मन ह घलो सरकार बचे रहय एखर बर तरह-तरह के टोटके आजमाए रहिन हे, जइसे के पूर्व मुख्‍यमंत्री के गाड़ी के नंबर म 4 अंक, पुराना बीजेपी दफ्तर ले  चुनाव संचालन, विधानसभा के मिट्टी के पूजा जइसे खबरें पहिली आ चुके हे। अब ए बात मन म यकीं करना आज के आधुनिक युग म बेमानी जइसे लग सकत हे। मगर समाज  ह अइसे  बात ल नजरअंदाज नइ करय। आखिर म लोकतंत्र के यज्ञ म देवता यानि के जनता के परसाद कांग्रेस के झोली म आ चुके हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.