ट्रेडमार्क ल लेके मुस्किल म हे रोहित शेट्टी के फिल्म सिंबा…. हाईकोर्ट ह मांगिस जवाब

रायपुर । बॉलीवुड के मसहूर डायरेक्टर रोहित शेट्टी द्वारा निरदेसित फिल्म सिम्बा परेसानी म पड़त नजर आवत हे। ये फिल्म ल  लेके दिल्ली उच्च न्यायालय ह रोहित शेट्टी के निरदेसन कंपनी ले जवाब मांगिस हे। आरोप हे , ये फिल्म छत्तीसगढ़ के एक पेय कंपनी सोना ब्रेवरेज कंपनी लिमिटेड के ट्रेडमार्क के उल्लंघन करत हे।

कोर्ट के ओर ले न्यायमूर्ति प्रतिभा एम सिंह ह सोना ब्रेवरेज कंपनी के भेजे गए नोटिस के जवाब देय बर रोहित शेट्टी के निरदेसन कंपनी ले पूछिस हे के ए फिल्म म ट्रेडमार्क के उपयोग के संभावना मन ल बतावय। एखर संग ही अदालत  ह ए घलो स्पष्ट करिस हे के  यदि रोहित शेट्टी के निरदेसन कंपनी निरधारित  बखत म जवाब नइ  देय ही त कोर्ट के ओर ले 4 दिसंबर के फइसला सुनाय जाही।

छत्तीसगढ़ के कंपनी सोना ब्रेवरेज के सीईओ प्रभतेज सिंह भाटिया ह कहिन के , ‘हमन अपन मुकदमा म ये दावा करे हन के रोहित शेट्टी के निरदेसन म बन फिल्म सिम्बा, सोना ब्रेवरेज प्राइवेट लिमिटेड के ट्रेडमार्क के उल्लंघन करत हे, जे ह  बियर,  खनिज अउ अन्य पेय समेत विभिन्न प्रकार के उत्पाद मन के निरमान करथे। कंपनी के ए घलो दावा करिन के ट्रेडमार्क के इस्तेमाल कपड़ा, चश्मा, नोटपैड अउ अन्य कतको स्थान मन म घलो करे जाथे। हमन सिम्बा ल एक ब्रांड बनाय बर लाखों खर्च कर प्रमोट करे हन । एखर बर  हमन बीते 3 बछर म लगातार ब्रांडिंग करत हन। फिल्म सिंबा 28 दिसंबर के रिलीज होवइया हे। ट्रेडमार्क संबंधी ए केस म रणवीर सिंह अउ रोहित शेट्टी फंसत नजर आवत हे।