Home ताजा समाचार धरमलाल कौशिक  के इस्तीफा… शाह ह करिस नामंजूर

धरमलाल कौशिक  के इस्तीफा… शाह ह करिस नामंजूर

111
0
कौशिक के इस्तीफा
करजा माफी के मुद्दा सबले जादा नुकसान के कारन बताइस

रायपुर । प्रदेश भाजपा अध्यक्ष धरमलाल कौशिक ह राष्ट्रीय अध्यक्ष अमित शाह ल अपन इस्तीफा सउपिस, जेला राष्ट्रीय अध्यक्ष अमित शाह ह इस्तीफा ल नामंज़ूर कर देहे।

भाजपा के उच्च पदस्थ सूत्र मन के मानन त कौशिक ह शाह  ल बताइस के  कांग्रेस के राष्ट्रीय अध्यक्ष राहुल गांधी के करजा माफी के मुद्दा सबले  जादा नुकसान के कारन बने हे। बइठक म शाह अउ उंखर टीम के सदस्य मन ह पहिली  हार के कारन म एक-एक नेता मन ले जानकारी लीन, फेर लोकसभा चुनाव बर  चरचा करिन।  प्रदेस के 11 म ले दस सीट म भाजपा के सांसद हे।

अइसे म करारी हार के बाद राष्ट्रीय संगठन के पूरा फोकस लोकसभा सीट बचाए म हे।  एखर पहिली प्रधान मंत्री नरेंद्र मोदी ह संसदीय दल के बइठक म सांसद मन  के संग  चरचा करिन। हालांकि मोदी ह कोनो भी राज्य के हार के बारे म संसदीय बोर्ड के बइठक म चरचा नइ करिन। बइठक म राष्ट्रीय महामंत्री सरोज पांडेय, सांसद रामविचार नेताम, प्रदेश संगठन महामंत्री पवन साय समेत अन्य आला नेता मवजूद रहिन हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.