बीएसपी हादसा म 14 कर्मचारी मन के होए रिहिस हे मउत…..महीना भर बाद तीन अधिकारी गेरफ्तार

भिलाई। भिलाई स्टील प्लांट म पाछू महीना हुए ब्लास्ट मामला म  शुक्रवार के प्लांट के  3 अफसर मन ल गेरफ्तार कर लेय गिस हे।  ब्लास्ट म प्लांट के 14 कर्मचारी मन के मउत होगे रहिस हे। गेरफ्तार करे गे अफसर मन म उप महाप्रबंधक (ऊर्जा प्रबंधन) नवीन कुमार, महाप्रबंधक (कोक ओवेन बैटरी) जीएन वेंकट सुब्रम्हण्यम अउ महाप्रबंधक (सुरक्षा एवं अग्नि शमन सेवाएं) टी पंड्या राजा हे।

एमन के गेरफ्तारी भट्टी थाना पुलिस ह करिस  हे।  बतादन के 9 अक्टूबर के प्लांट के कोक ओवन बैटरी हादसा म 14 बीएसपी कर्मचारी मन के मउत हो गिस हे।  हादसा म मृतका मन के सव बुरी तरह ले झुलस गे रहिस हे के उंखर पहिचान करे म मुश्किल होवत रहिस हे।  अइसे म डीएनए परीक्षन के बाद परिजन मन ल  सव  सउपे गे रहिस हे।