Home ताजा समाचार हर बड़े नेता बनना चाहत हे भाजपा प्रदेस अध्यक्ष

हर बड़े नेता बनना चाहत हे भाजपा प्रदेस अध्यक्ष

260
0
प्रदेश अध्यक्ष ल लेके घमासान
भाजपा के केंद्रीय नेतृत्व बर प्रदेश अध्यक्ष तय करना अतना आसान नइए

 रायपुर। भारतीय जनता पार्टी ल हमेशा ही संगठन के निरदेस  म  चलइया पार्टी कहे जाथे, लेकिन छत्तीसगढ़ म करारी हार के बाद संगठन  म पद बर रोज नवां दावेदार आवत हवय।   नेता प्रतिपक्ष के बाद अब बीजेपी प्रदेश अध्यक्ष  बर कई दिग्गज मन ह संकेत देवत हुए कहिन के उमन ले पूछे जाही तो  हमन ह दावेदारी जरूर करबो। भाजपा के नवां प्रदेश अध्यक्ष ल लेके  जल्द ही नाम के ऐलान हो सकत हे।

भारतीय जनता पार्टी म प्रदेश अध्यक्ष ल लेके घमासान मचे हुए हे। पार्टी के अध्यक्ष एक ताकतवर पद होथे। अइसे कतको दिग्गज एला  लेके ताल ठोकत नजर आवत हे।  पहिली पूर्व मुख्यमंत्री डॉ. रमन सिंह  ल प्रबल दावेदार माने जात रहिस हे।  हालांकि उंखर राष्ट्रीय उपाध्यक्ष बने के बाद ए तो साफ हो गिस के उमन अब दावेदार के दउड़ ले बाहिर हो गिस हे।
दिल्ली म राष्ट्री अधिवेशन म सामिल होय बर गे नेता मन ह अध्यक्ष बने अपन इच्छा जताइस हे।  पूर्व मंत्री बृजमोहन अग्रवाल ह तो डॉ. रमन सिंह के ही नाम ले लिस।  आदिवासी प्रदेश अध्यक्ष के बात होय म केदार कश्यप ह लो अपन दावेदारी  जताए के बात कहे हे।  पूर्व मंत्री अजय चन्द्राकार, प्रेम प्रकाश पांडेय  ह घलो खुलके नइ कहिन, लेकिन इशारा म कहिन के  यदि दावेदारी के बात आही त जरूर करही।
बीजेपी के प्रदेश अध्यक्ष व नेता प्रतिपक्ष धरमलाल कौशिक के कहिना हे के पार्टी म कोनो तरह के दावेदारी के कोई परंपरा नइए।  उमन ह ए बात ले भी इंकार करिन के . रमन सिंह, जे तेजतर्रार दिखत रहिस हे, सदन म वो ह विधानसभा नेताप्रतिपक्ष बने के कवायद रहिस हे।  जाहिर तउर  म ए बयान बतात हे के राष्ट्रीय अध्यक्ष अमित शाह समेत भाजपा के केंद्रीय नेतृत्व  बर प्रदेश अध्यक्ष तय करना अतना आसान नइए।  काबर  के जब कई झन मन एक पद  बर  दावेदारी पेश करत हे तो कुश्ती तो तय होथे।  दिलचस्प बात ए हे क  ए सबके बीच म पूर्व मंत्री राजेश मूणत पहिली ले ही दिल्ली पहुंच गेहे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.