Home ताजा समाचार दिल्ली म कांग्रेस के हाथ लगिस निराशा

दिल्ली म कांग्रेस के हाथ लगिस निराशा

46
0

रायपुर। दिल्ली गे कांग्रेस के टीम ल निराशा हाथ लगिस हे। आयोग कांग्रेस के आवेदन ल स्वीकर कर लिस लेकिन ओह ये कहिस कि आपन आवेदन राज्यपाल के पास जमा करावव। प्रक्रिया के तहत उहां ले आवेदन इहां आना चाही। कांग्रेस भाजपा के राज्यसभा उम्मीदवार सरोज पांडेय के नामांकन रद्द करके शिकायत लेके चुनाव आयोग गे रिहिस हे। उँखर मांग रहिस कि जे तरह ल दिल्ली म संसदीय सचिव के सदस्यता खत्म करे गे रिहिस हे उही तरह छत्तीसगढ़ म घलो संसदीय सचिव मन ल बर्खास्त करे जाए। ये संबंद म पीपीसी चीफ भूपेश बघेल के कहिना हे कि दिल्ली म जब भाजपा वाले आम आदमी पार्टी के संसदीय सचिव के खिलाफ शिकायत करथे तो राज्यपाल ले के चुनाव आयोग तक तुरंत कार्रवाई करत हे। लेकिन छत्तीसगढ़ म ये मामला ल लटका के रखे गे हे। शुक्रवार के कांग्रेस के प्रतिनिधि मंडल म पीएल पुनिया, भूपेश बघेल, टीएस सिंहदेव, मो. अकबर, सत्यनारायण शर्मा, धनेन्द्र साहू, चरणदास महंत अउ राज्यसभा प्रत्याशी लेखराम साहू घलो मौजूद रहिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.