Home ताजा समाचार सड़क हादसा म घायल होवइया पशु मन बर संवेदना एक्सप्रेस

सड़क हादसा म घायल होवइया पशु मन बर संवेदना एक्सप्रेस

43
0

रायपुर। राज्य सरकार ह सड़क दुर्घटना मन म घायल होवइया पशु मन के त्वरित इलाज बर 108 के तर्ज म आकस्मिक पशु चिकित्सा सेवा शुरू करे के निर्णय लिस हे। एखर प्रथम चरण म प्रदेश के दस जिला मन के राष्ट्रीय राजमार्ग के दस चिन्हांकित स्थान के बीच ‘संवेदना एक्सप्रेस’ के सेवा शुरू करे जाही। आगामी वित्तीय वर्ष 2018-19 के बजट म एखर बर पांच करोड़ रूपिया के प्रावधान करे गेहे।
पशुधन विकास मंत्री बृजमोहन अग्रवाल ह ये संबंध म बताइस कि हर साल बड़ी संख्या म घरेलू पशु सड़क दुर्घटना के शिकार होवत जात हे। ये तरह के घटना मन म घायल पशु मन के इलाज बर तुरंत कार्रवाई नइ हो पाए। जेखर कारण पशुपालक मन ल काफी आर्थिक नुकसान उठाए बर पड़त हे। सड़क म घूमाइया पशु मन ल हादसा ले बचाने बर पशुधन विकास विभाग ह अइसे पशुमन के गला म रेडियम पट्टी बांधे के कार्यक्रम शुरू करे गे हे। एखर बर जिला मन ल साढ़े सात लाख रूपिया दे गेहे। ये राशि ले ग्रामीण अउ शहरी क्षेत्र मन म 14 हजार 940 ले जादा पशु मन ल रेडियम पट्टी पहिनाए गिस । श्री अग्रवाल ह बताइन कि संवेदना एक्सप्रेस म सड़क हादसा म घायल पशु मन बर प्रारंभिक इलाज के बेवस्था रही। संवेदना एक्सप्रेस ले गंभीर रूप म घायल पशु मन ल उचित इलाज बर पशु चिकित्साल तक पहुंचाए जाही। इलाज के बाद जरूरत होवय म गौशाला तक ले जाके बेवस्था संवेदना एक्सप्रेस से करे जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.