Home ताजा समाचार शिक्षा विभाग म प्रश्न पत्र छपाई के नाम म बड़का खेल

शिक्षा विभाग म प्रश्न पत्र छपाई के नाम म बड़का खेल

53
0

रायपुर। छत्तीसगढ़ के शिक्षा विभाग म प्रश्न पत्र छपाई के नाम म बीते 5 बरस म 100 करोड़ के घोटाला के खुलास होय हो। अतका ही नइ ये बारे म कोनो ल कानों कान खबर तक नइ लगिस। ये तरह ले जन जन तक शिक्षा के अलख जगाए के जुम्मा संभाल रहे शिक्षा विभाग म एक बड़ा घोटाला सामने आ गे। दस्तावेज ले साबित होत हे कि शिक्षा विभाग ह बीते पांच बरस म 100 करोड़ रुपिया ले जादा के घोटाला करे हे।
बतादन कि कक्षा पहिली ले 8वीं तक प्रश्न पत्र छपाई के नाम म विभाग ह घोटाला ल अंजाम दिस हे। दरअसल, विभाग ह पीछू 5 बरस म गोपनीयता के नाम म संक्षिप्त निविदा बुलाके अपन चहेता मन ल छपाई के कारय दे रिहिस हे। ये मामला म सामाजिक कार्यकर्ता कन्हैया अग्रवाल के कहिना हे कि छत्तीसगढ़ के पड़ोस के राज्य मध्यप्रदेश, बिहार, झारखंड, बिहार अउ गुजरात म भी प्रश्न पत्र छपाई के कारय ग्लोबल टेंडर के जरिए करे जात हे। इती छत्तीसगढ़ देश के एक मात्र अइसे राज्य हे जिहां संक्षिप्त निविदा म करोड़ों रुपिया के कारय कराए जात हे। जबकि नियम कहत हे कि संक्षिप्त निविदा म महज 50 हजार रुपिया ले कम के कार्य कराए जा सकत हे, अतका ही नइ छत्तीसगढ़ म शिक्षा विभाग ह 35 रुपिया तक के दर म प्रश्न पत्र छपाई करावत हे। जबकि दूसर राज्य म ये दर महज 7 रुपए तक निर्धारित हे।
शिक्षा के मंदिर के चलाइय मन ही अगर भ्रष्टाचार म ये तरह ले डूब जाही तो समझे सकत हे कि प्रदेश म शिक्षा के का हालात होंही। बहरहाल, ये उजागर के बाद अब देखना हे कि मामला म आगे कोई कार्रवाई होत हे कि नइ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.