Home ताजा समाचार मां बमलेश्वरी भक्त मन ल देख क पुलिस ह करिस सुरक्षा के...

मां बमलेश्वरी भक्त मन ल देख क पुलिस ह करिस सुरक्षा के खास इंतजाम

54
0

दुर्ग। नवरात्रि म डोंगरगढ़ के मां बमलेश्वरी के दर्सन बर जवइया भक्त मन के बढ़त भीड़ ल देखत सुरक्षा के खासा इंतजाम करे गिस हे। भिलाई-दुर्ग अऊ सीमावर्ती क्षेत्र म पुलिस ह बिसेस बेवस्था करे हे, अऊ ये मिसन ल चक्रव्यूह के नाव दे गे हे। एमा संझा 6 बजे ले बिहिनिया 6 बजे तक पुलिस गस्त घलो होवत हे।
कवर्धा म भाजपा-कांग्रेस के बीच सीधी टक्कर होही।
कवर्धा म बिधानसभा चुनई ल लेके राजनीतिक दल अभू ले ही सक्रिय होत दिखत हें। छोटे-बड़े सभा म सामिल होके टिकट के दावेदार अपन दावा मजबूत करत दिखत हे। मुख्यमंत्री रमन सिंह के गृह जिला होए के नाते इहां जम्मों झन के निगाह रहथे, पाछु बिधानसभा चुनई म भाजपा प्रत्यासी अशोक साहू ह बहुत कम अंतर ले कांग्रेस के मोहम्मद अकबर ल मात दे रिहिस। ये दरी फेर मोहम्मद अकबर ये सीट ले मइदान म दिख सकत हें। फेर अकबर ह प्रत्यासी चयन ल लेके अंतिम निर्नय पार्टी उपर छोड़ दे हे।।। वर्तमान बिधायक अशोक साहू घलो अगला पारी के बर कमर कसके तइयार हो गे हे। हाल ही म कवर्धा के करपात्री स्टेडियम म लगभग 20 हजार महिला मन के कर्मा नृत्य के आयोजन ल लोगन मन अशोक साहू के सक्ति प्रदर्सन मानत हे। उहीं जेसीसीजे ह अब तक कोई दस्तक नइ दे हे। अइसन मन राजनीति के जानकार मन ये मानत हे कि ये सीट उपर भाजपा-कांग्रेस के बीच सीधी टक्कर होही।
हितागुटा ग्राम पंचायत के आश्रित गांव म पाईप लाईन बिछाए के काम सुरु
► राजनांदगांव म पानी के समस्या ल लेके ग्रामीन महिला मन के खबर ल देखाए के बाद प्रसासन ह 10 लाख रुपिया के लागत ले काम सुरु कराए हे। बीते दिन चौकी ब्लॉक के हितागुटा ग्राम पंचायत के आश्रित गांव के महिला मन मुख्यालय पहुंचके नाराजगी जताए रिहन। एकर उपर संज्ञान लेत प्रसासन ह बजट बनाके पीएचई बिभाग के माध्यम ले पाईप लाईन बिछाए के काम सुरु करिस हे, संग ही ग्रामीन मन ल अस्थाई रुप म टैंकर के माध्यम ले पानी पहुंचाए जात हे।
नया रायपुर म एक भव्य संग्रहालय बनाए के प्रस्ताव
रायपुर म संस्कृति बिभाग म बने प्राचीन संग्रहालय के जगा अब जल्दी नया रायपुर म एक भव्य संग्रहालय निर्मान करे जाही। जिहां उत्खनन ले निकले पुरात्तविक सामग्री के संग्रह करे जाही। संस्कृति बिभाग के संचालक जितेन्द्र शुक्ला ह बताइस कि संस्कृति बिभाग म बने गुरूघासी दास संग्रहालय म जगह के कमी होए के कारन कई प्राचीन पुरात्तविक मूर्ती मन के प्रदर्सन नइ हो पात हे। जेकर कारन नया रायपुर म एक भव्य संग्रहालय बनाए के प्रस्ताव दे गिस, जेकर ले संस्कृति बिभाग ह अपन मुहर लगा दे हे। ये प्रोजेक्ट बर लगभग 40 करोड़ रूपिया के लागत बताए जात हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.