Home ताजा समाचार बृजमोहन करिन बमलेसरी माता मेर जनता के खुशहाली बर प्रार्थना……पढव अउ समाचार

बृजमोहन करिन बमलेसरी माता मेर जनता के खुशहाली बर प्रार्थना……पढव अउ समाचार

87
0

रायपुर। नवरात परब म प्रदेश के धर्मस्व मंत्री बृजमोहन अग्रवाल ह  पंचमी के दिन परिवार, सहयोगी कार्यकर्ता संगी-संगवारी मन के संग डोंगरगढ़ के पहाड़ी म विराजित माँ बम्लेश्वरी के दरबार पहुँचिन अऊ माता के दर्शन करिन। उमन माता रानी के आरती उतारिन अऊ पूजा-अर्चना करके छत्‍तीसगढ़ के जनता के खुशहाली बनाए प्रार्थना करिन।

मुख्यमंत्री के 24 मार्च के दिन के लोक सुराज अभियान के दौरा
मुख्यमंत्री डॉ. रमन सिंह काल 24 मार्च के दिन लोक सुराज अभियान के दौरा म रहिहीं। डॉ. सिंह निरधारित कार्यक्रम के अनुसार रायपुर ले बिहनिया 9.30 बजे हेलीकॉप्टर ले रवाना होहीं। डॉ. सिंह अचानक कोनो एक गांव म पहुंचके उहां चौपाल म गांव वाले मन ले मिलहीं। मुख्यमंत्री अचानक कोनों दू समाधान शिविर मन म सामिल होए के बाद मंझनिया तीन बजे कोरिया जिला के मुख्यालय बैकुण्ठपुर पहुंचहीं अऊ उहां संझा 5.30 बजे कलेक्टोरेट सभाकक्ष म आयोजित बैठक म सूरजपुर अऊ कोरिया जिला के समीक्षा करहीं। डॉ. सिंह रात 7.30 बजे प्रेस कॉन्फ्रेंस के बाद बैकुण्ठपुर म रतिहा थिरावन करहीं। मुख्यमंत्री आघू दिन 25 मार्च को बिहनिया 9.30 बजे बैकुण्ठपुर ले हेलीकॉप्टर से रवाना होके बिहनिया 10.30 बजे रायपुर लहुट आहीं।

उच्‍च शिक्षा मंत्री पाण्डेय ह नवाचार के प्रोटोटाइप निर्माण बर गोयल ल भेंट करिन सात लाख के चेक
रायपुर उच्‍च शिक्षा अऊ विज्ञान अउ प्रौद्योगिकी मंत्री प्रेमप्रकाश पाण्डेय ह आज संझा राजधानी स्थित अपन निवास कार्यालय म दुर्ग जिला के ओमप्रकाश गोयल ल इनोवेशन फण्ड कार्यक्रम के तहत सात लाख रूपिया के चेक दीन। ये राशि श्री गोयल ल ऊंखर नवाचार के प्रोटोटाइप निर्माण करे बर देहे गीस। श्री पाण्डेय ह श्री गोयल ल प्रोटोटाइप निर्माण बर अपन बधाई अऊ शुभकामना दीन। ए अवसर म छत्तीसगढ़ विज्ञान अउ प्रौद्योगिकी परिषद के महानिदेशक डॉ. के. सुब्रमण्यम घलोक उपस्थित रहिन।

सड़क अउ पानी दुनों म चल सकत हे ‘ओप्टर टू ए वन’ बाईक
दुर्ग जिला के ओमप्रकाश गोयल अउ भीष्म जोशी कोति ले नवाचार के अंतर्गत ‘ओप्टर टू ए वन’ बाईक के निर्माण प्रस्तावित करे गए हे। ये बाईक सड़क अउ पानी दुनों म चल सकत हे। जेखर उपयोग प्रदेश के जलाशय मन म जलकुम्भी अउ आन कचरा आदि सामान ल साफ करे बर करे जा सकत हे। एखर अलावा बाढ़ राहत बर घलोक एकर उपयोग करे जा सकत हे। ए प्रोटोटाइप निर्माण बर छत्तीसगढ़ विज्ञान अउ प्रौद्योगिकी परिषद कोति ले वित्तीय सहायता प्रदान करे जात हे। एखर तहत ओ मन ल आज प्रोटोटाइप निर्माण बर विमुक्त करे जाय वाले राशि के पहली किश्त के रूप म सात लाख रूपिया के राशि प्रदान करे गीस। ए काम ल इंदिरा गांधी कृषि विश्वविद्यालय के डिपार्टमेंट ऑफ फार्म मशीनरी एण्ड पावर इंजीनियरिंग, फैकल्टी ऑफ एग्रीकल्चर इंजीनियरिंग के प्राध्यापक डॉ. अजय वर्मा के मार्गदर्शन म पूरा करे जाही। ए प्रोटोटाइप निर्माण के कुल लागत राशि दस लाख रूपिया हे। ए निर्माण ल छह महिना म पूरा करे के लक्ष्य रखे गए हे।

अमित के माफी म सिंहदेव के तंज, कहिन – विश्वसनीय नइए अइसे विधायक
रायपुर। छत्तीसगढ़ राज्यसभा चुनाव के दौरान शुक्रवार के तीन विधायक मन अमित जोगी, जोगी समर्थक विधायक आर।के। राय अउ सियाराम कौशिक ह मतदान नइ करे के घोषणा अउ सार्वजनिक मंच म छत्तीसगढ़ प्रभारी पुनिया ले माफी के मांग ल लेके नेता प्रतिपक्ष सिंहदेव ह तंज कसीस हे। उमन ह कहिन किअइसे विधायक मन के कोनो विश्वसनीयता नइए। पहिली बोल ही कि नि:शर्त समर्थन देवो अउ अभ शरत रख दीस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.