Home ताजा समाचार काबर रायपुर कलेक्टर ह तोड़वाना चाहत हे 100 निरमानधीन मकान ल

काबर रायपुर कलेक्टर ह तोड़वाना चाहत हे 100 निरमानधीन मकान ल

29
0

रायपुर । छत्तीसगढ़ के राजधानी म पांच सौ ले अधिक गरीब परिवार मन संग प्रशासनिक स्तर म मजाक करे जात हे। पुराना मंत्रालय के पीछू राजीव आवास योजना म 527 मकान बननत हे, जेमा करीब 200 के निरमान कर ले गेहे। अउ 100 मकान के निरमान होवत हवय। इहीं बीच म अचानक ले कलेक्टर स्तर म 100 निरमान होवत मकान ल तोड़के फाइल चला दे गेहे।
अतका ही नइ बचे 227 मकान निरमान के प्रस्ताव म रोक लगा दे गेहे। दरअसल पुराना मंत्रालय म डीकेएस अस्पताल निरमान होय के बाद अस्पताल प्रबंधन चाहत हे कि पिछू के हिस्सा म बने बस स्टॉप के बस मन राजीव आवास योजना परिसर ले गुजरय। ये ही वजह हवय कि अस्पताल प्रबंधन के दवाब म प्रशासनिक स्तर म 100 निरमानधीन मकान मन ल तोड़े के तैयारी कर ले गेहे। गौरतलब हे कि मामला ल लेके बीते एक बरस म फाइल-फाइल के खेल खेले जावत हे। ये खेल म गरीब मन ल परेशानी के सामना करे बर पड़त हे । काबर कि गरीब मन ल अपन छत के इंतजार लंबा होत जात हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.