Home ताजा समाचार 10 मरीज मन के जबरन ऑपरेशन मामला हो ही जांच

10 मरीज मन के जबरन ऑपरेशन मामला हो ही जांच

29
0

रायपुर । राजधानी के सुपर स्पेशलिटी हॉस्पिटल म कांकेर के 10 मरीज मन के जबरन ऑपरेशन अउ स्मार्ट कार्ड ले पैइसा निकाले के मामला म स्वास्थ्य मंत्री अजय चंद्राकर ह जांच कराके बात कहिन हे। स्वास्थ्य मंत्री ह ये मामला ल संवेदनशील बतात हुए कहिन कि जांच के बाद तथ्य मन के आगू आए के बाद ही वो ह ये मामला म टिप्पणी कर सकत हे। इलाज निजी क्षेत्र के लोगन मन ह करे हे ये बात सामने आइस हे। लिहाजा, मामलेा के तह तक जाए बर ये मामल म स्वास्थ्य मंत्री ह जांच करने बर संबंधित अधिकारी मन ल निर्देश देय हे। एखर संग उमन ह जांच के बाद मामला के खुलासा होए म दोषी मन के विरुद्ध कड़ी कार्रवाई करे के बात कहे हे। एखर अलावा मामला म स्वास्थ्य मंत्री चंद्राकर ह डीएचएस ल घलो जांच करे के निर्देश दिस हे।
स्वास्थ्य मंत्री ह कहिन कि 10 अलग अलग बीमारी ले ग्रसित मरीज मन के किडनी निकाले जाए के मामला अपन आप म अब्बड़ संवेदनशील हे। अइसे म जब तक तथ्य उंखर आगू नइ आवय तह तक व ह ये मा कोई टिप्पणी नइ कर सकत हे। उमन कहिन कि अगर ये काम निजी क्षेत्र मन के लोगन मन ह करे हे तो ओखर विरुद्ध कानूनी कार्रवाई करे जाही। गौरतलब हे कि मामला कांकेर जिला के पखांजुर के गोविंदपुर ग्राम के हे। इहां के महिलामन के ऑपरेशन मामला म स्वास्थ्य मंत्री अजय चंद्राकार ह अहम निर्देश जारी करे हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.